រតនគិរី ៖ លោក ខាត់ សាម៉ាល់ ប្រធានមន្ទីរអប់រំយុវជន និងកីឡាខេត្តរតនគិរី បានឱ្យដឹងព្រឹកថ្ងៃទី៣១ ខែតុលាឆ្នាំ២០២៤ថា លទ្ធផលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡងថ្ងៃទី០៨ ខែតុលា ឆ្នាំ២០២៤កន្លងមក, ខេត្តរតនគិរីមានបេក្ខជនមកប្រឡងចំនួន ១,៦៨៨នាក់ ស្រី ៨៥៥នាក់ ប្រឡងជាប់ជាស្ថាពរចំនួន ១,៣៨០នាក់ ស្រី ៧២៣នាក់ ក្នុងនោះប្រឡងជាប់គិតជាមធ្យម
ភាគ ៨១. ៧៥% ស្រី ៨៤. ៥៦%។

លោកបន្តថា សិស្សប្រឡងជាប់និទ្ទេស A ចំនួន ៩នាក់ ស្រី៥នាក់, និទ្ទេស B ចំនួន ៩៣នាក់ ស្រី៥៣នាក់, និទ្ទេស C ៣០៧នាក់ ស្រី ១៧៥នាក់, និទ្ទេស D ៥២៦នាក់ ស្រី ២៩១នាក់, និងនិទ្ទេស E ចំនួន ៤៤៥នាក់ ស្រី ១៩៩នាក់។

លោក ញ៉ែម សំអឿន អភិបាលខេត្តរតនគិរី បានសម្តែងនូវការអបអរសាទរជាមួយអាណាព្យាបាលនិងបេក្ខជនទាំងអស់ដែលទើបប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) និងបានថ្លែង
អំណរគុណលោកគ្រូ អ្នកគ្រូ ដែលបានខិតខំយកចិត្តទុកដាក់ ក្នុងការបង្ហាត់បង្រៀន និងការបំណិនសិស្ស ឱ្យទទួលបានលទ្ធផលល្អនាពេលនេះ។

លោកអភិបាលខេត្តសន្យាថា នឹងមានរង្វាន់លើកទឹកចិត្តសម្រាប់ក្មួយៗ ដែលជាប់និទ្ទេស A ទាំង ៩នាក់ផងដែរ៕

ដោយ ៖ ប៉េស សារី