(ភ្នំពេញ) ៖ គម្រោងបំពាក់អំពូលវៃឆ្លាតនៅតាមទីសាធារណៈ ក្នុងរាជធានីភ្នំពេញ ត្រូវបានលើកយកមកពិភាក្សានារសៀលថ្ងៃពុធ ទី០៦ ខែមិថុនា នេះ រវាងរដ្ឋបាលរាជធានីភ្នំពេញ និង ក្រុមហ៊ុនមីនេបៀមីតហ៊្សូមី។

ជំនួបដែលធ្វើឡើងនៅសាលារាជធានីភ្នំពេញ គឺ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានពិភាក្សាការងារជាមួយ ឯកឧត្តម យូស៊ីហ៊ីសា កៃនូម៉ា ( Yoshihisa Kainums ) អគ្គនាយកក្រុមហ៊ុនមីនេបៀមីតហ៊្សូមី ( Minebea Mitsumi Inc ) ។

តាមរយៈកិច្ចពិភាក្សានេះ ឯកឧត្តម ឃួង ស្រេង បានឯកភាព និងទទួលយកបទបង្ហាញរបស់តំណាងក្រុមហ៊ុន យកមកសិក្សាអនុវត្តផ្ទាល់តែម្ដង ដោយយកមហាវិថីចំនួន៣សាកល្បងបំពាក់អំពូលវៃឆ្លាតដំណាក់កាលដំបូងក្នុងឆ្នាំនេះ៕