ចាប់ខ្លួនមនុស្សប្រុសស្រី ១៧នាក់ ក្នុងពេលនគរបាលឆ្មក់បង្រ្កាបទីតាំងខារ៉ាអូខេមួយកន្លែង ក្នុងស្រុកកំរៀង ខេត្តបាត់ដំបង
បាត់ដំបង៖ នៅចំណុចខារ៉ាអូខេមួយកន្លែងស្ថិតក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង តាមបញ្ជាដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាលខេត្តបាត់ដំបង កម្លាំងនគរបាលក្នុងផែនការងារប្រឆាំងគ្រឿងញៀន បានចុះបង្រ្កាបករណី ជួញដូរសម្រួលឱ្យប្រេីប្រាស់-ផ្ដល់ទីតាំងឱ្យប្រើប្រាស់ និងប្រេីប្រាស់ខុសច្បាប់នូវសារធាតុញៀន ១ករណី ក្នុងបទល្មើ សជាក់ស្តែង និងបានឃាត់ខ្លួនមនុ ស្សស្រីប្រុសបានចំនួន១៧នាក់ កាលពីយប់ថ្ងៃទី៣ ខែសីហា ឆ្នាំ២០២ ៤ ឈានចូលថ្ងៃទី៤ ខែសីហា ឆ្នាំ២០២៤។
ចំពោះវត្ថុតាងចាប់យកបាន រួមមាន ថ្នាំញៀនប្រភេទកេតាមីន Ketamen ចំនួន ៣ថង់ និងសម្ភារពាក់ព័ន្ធមួយចំនួនទៀត។ បច្ចុប្បន្នសមត្ថកិច្ចបានរៀបចំបញ្ជូនពួកគាត់ទៅកាន់សាលាដំបូងខេត្តបាត់ដំបង ដេីម្បីអនុវត្តតាមនីតិវិធីច្បាប់៕
