រថយន្តបុករះម៉ូតូកង់បីឥណ្ឌា ក្រឡាប់២គ្រឿង និងរថយន្ត២គ្រឿង រងការខូចខាត នៅខាងជើងអង់តែនទួលគោក
ភ្នំពេញ៖ មានករណីរថយន្តបុករះ ដោយរថយន្តមួយគ្រឿងជិះដោយក្មេងប្រុស២នាក់បងប្អូន បានជ្រុលចង្កូតទៅបុករះម៉ូតូកង់ឥណ្ឌាចំនួន ២គ្រឿង ក្នុងទិសដៅស្របគ្នាបណ្តាលឱ្យប្រឡាប់ និងជ្រុលទៅបុកជាមួយរថយន្តមួយគ្រឿង ម៉ាក Lexus RX300 និងរថយន្តម៉ាក Toyota Prius ជាបន្តបន្ទាប់ បណ្តាលឲ្យរងការខូចខាត តែមិនមានមនុស្សរងគ្រោះថ្នាក់ទេ។
ករណីគ្រោះថ្នាក់ចរាចរណ៍នេះបានកេីតឡេីងនៅវេលាម៉ោង ៤:៥០នាទីល្ងាច ថ្ងៃទី៣០ ខែកក្កដា ឆ្នាំ២០២៤ នៅខាងជើងអង់តែនទួលគោក ចំណុចផ្លូវ៣៥៥ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។
រថយន្តដែលបង្កគ្រោះថ្នាក់ម៉ាក Toyota Raize ពណ៌សពាក់ស្លាក់លេខ ភ្នំពេញ២BZ.៧៨៦៨ បើកបរដោយក្មេងជំទង់ម្នាក់រួមចំណើរជាមួយក្មេងម្នាក់ទៀត។
យោងតាមសាក្សីនៅកន្លែងកេីតហេតុ បានឱ្យដឹងថា នៅមុនពេលកើតហេតុរថយន្តបង្កធ្វើដំណើរតាមផ្លូវលេខ៣៥៥ក្នុងទិសដៅពីជើងទៅត្បូងដោយល្បឿនលឿន ក៏បានជ្រុលទៅបុកកង់បីចំនួន ២គ្រឿង ក្នុងទិសដៅស្របគ្នាជាបន្តបន្ទាប់បណ្តាលឱ្យក្រឡាប់ទាំង២។ បន្ទាប់ពីគ្រោះថ្នាក់ រថយន្តបន្តល្បឿនទៅបុករថយន្តម៉ាក Lexus RX300មួយគ្រឿង និងរថយន្តម៉ាក Toyota Priusមួយគ្រឿងទៀត។
នៅក្នុងគ្រោះថ្នាក់នេះ បណ្តាលអ្នករត់ម៉ូតូកង់៣ម្នាក់បានរងរបួសស្រាល និងបង្កឱ្យម៉ូតូកង់៣ចំនួន ២គ្រឿង និងរថយន្ត ២គ្រឿង បានរងការខូចខាត។ ដោយឡែករថយន្តបង្កខ្ទេចមុខធ្ងន់ធ្ងរ។
ក្រោយកេីតហេតុ កម្លាំងសមត្ថកិច្ចមូលដ្ឋានបានចុះទៅសម្រួលចរាចរណ៍ និងទាក់ទងនគរបាលការិយាល័យចរាចរណ៍ផ្លូវគោក ដើម្បីវាស់វែង និងសម្របសម្រួលដោះស្រាយ៕
ដោយ៖ ឌីយ៉ាម៉ង់
