កំពង់ស្ពឺ៖​ មន្ទីរទេសចរណ៍ខេត្តកំពង់ស្ពឺ បានឱ្យដឹងនៅព្រឹកថ្ងៃទី១៧ ខែមេសា ឆ្នាំ២០២៣​ ថា កំពង់ស្ពឺសង្ក្រាន្ត​ រយ:ពេល៣ថ្ងៃ មានភ្ញៀវទេសចរទៅលេងកម្សាន្តតាមរមណីយដ្ឋាន សហគមន៍ទេសចរណ៍ និងស្នាក់នៅក្នុងភូមិសាស្រ្តខេត្តកំពង់ស្ពឺ ជាពិសេសកំពង់ស្ពឺសង្រ្កាន្ត ថ្ងៃទី១៤-១៥-១៦ ខែមេសា ឆ្នាំ២០២៣ រួមមាន​ ថ្ងៃ១៤ ខែមេសា ឆ្នាំ២០២៣​ មានភ្ញៀវមកលេងកម្សាន្តចំនួន​ ៥៧.៤៦២ នាក់ ភ្ញៀវទេសចរដើរលេងកម្សាន្តតាមរមណីយដ្ឋាន និងស្នាក់នៅចំនួន​ ៧.១៥៨នាក់ ភ្ញៀវទេសចរអន្តរជាតិផ្ទៃក្នុងចំនួន​ ២.១០៥នាក់។

នៅថ្ងៃ១៥ ខែមេសា ឆ្នាំ២០២៣ ភ្ញៀវទេសចរមកលេងកម្សាន្តចំនួន​ ១៨៧.១០២នាក់ ភ្ញៀវទេសចរដើរលេងកម្សាន្តតាមរមណីយដ្ឋាន និងស្នាក់នៅចំនួន​ ១៤.៣៩០នាក់ ភ្ញៀវទេសចរអន្តរជាតិផ្ទៃក្នុងចំនួន​ ៦៧០នាក់​ និងថ្ងៃ១៦ ខែមេសា ឆ្នាំ២០២៣ ភ្ញៀវទេសចរតចំនួន​ ២៣៥.៧៤១នាក់ ភ្ញៀវទេសចរដើរលេងកម្សាន្តតាមរមណីយដ្ឋាន​ និងស្នាក់នៅចំនួន​ ៧.២៤៥នាក់ ភ្ញៀវទេសចរអន្តរជាតិផ្ទៃក្នុងចំនួន​ ១.០២៥នាក់។​ សរុបចំនួនភ្ញៀវទេសចររយ:ពេល ៣ថ្ងៃមាន ៥០៩.០៩៨នាក់ ក្នុងនោះ ភ្ញៀវទេសចរលេងកម្សាន្តព្រឹត្តិការណ៍កំពង់ស្ពឺសង្រ្កាន្តចំនួន​ ៤៨០.៣០៥នាក់ ភ្ញៀវទេសចរដើរលេងកម្សាន្តតាមរមណីយដ្ឋាន និងស្នាក់នៅចំនួន​ ២៨.៧៩៣នាក់​ និងភ្ញៀវទេសចរអន្តរជាតិផ្ទៃក្នុងចំនួន​ ៣.៨០០នាក់។

សូមបញ្ជាក់ថា​ ក្នុងឱកាសសង្ក្រាន្តរយៈពេល៣ថ្ងៃ​ មិនមានបញ្ហាចោទនោះទេចំពោះសន្តិសុខសណ្តាប់ធ្នាប់ ពោលគឺ​ ប្រជាពលរដ្ឋ យុវជនយុវតី​ ហាក់មានការយល់ដឹងខ្ពស់ ការលេងល្បែងប្រជាប្រិយនានាប្រកបដោយក្រមសីលធម៌ សេចក្តីថ្លៃថ្នូរ។ ចំពោះអនាម័យមានការទុកដាក់បានល្អក្រោយការហូបចុករួច៕

អត្ថបទ៖​ ប៊ុត សារុន