ភ្នំពេញ៖ ក្រសួងសាធារណការនិងដឹកជញ្ជូន បានប្រកាសថា ក្នុងខែកញ្ញា ឆ្នាំ២០១៨ មានរថយន្តដឹកលើសទម្ងន់កម្រិតកំណត់ ចំនួន ២២៥គ្រឿងត្រូវឃាត់ចាប់បាន និងពិន័យបានថវិកាសរុបចំនួន ៥០១,៩៥០,០០០ រៀល ដោយលេខាធិការដ្ឋាន របស់គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្ត ដឹកជញ្ជូនលើសទម្ងន់កម្រិតកំណត់។

ក្រសួងសាធារណការនិងដឹកជញ្ជូន យោងតាមរបាយការណ៏ខាងលើ សង្កេតឃើញថា ចំនួនរថយន្ត ដែលចាប់បានក្នុងរយៈពេល ពេញមួយខែកញ្ញា មានការថយចុះចំនួន ១៨ គ្រឿង គឺពី ២៤៣ គ្រឿង ក្នុងខែសីហា មក ២២៥ គ្រឿង ក្នុងខែកញ្ញា ឆ្នាំ២០១៨ ហើយក្នុងចំណោមរថយន្តដែលចាប់បាននោះ ផ្ទុកលើសទម្ងន់ចាប់ពី ៥តោន រហូតដល់ ២៨តោន៕