អ្នកនាំពាក្យសហភាពអឺរ៉ុប អបអរសាទរចំពោះកិច្ចព្រមព្រៀងបទឈប់បាញ់រវាងកម្ពុជា-ថៃ និងគូសបញ្ជាក់ពីការត្រៀមខ្លួនរួចជាស្រេចក្នុងការផ្តល់ការគាំទ្រណាមួយដែលចាំបាច់
អឺរ៉ុប៖ នៅមុននេះបន្តិច លោក Anouar El Anouni ជាអ្នកនាំពាក្យរបស់សហភាពអឺរ៉ុប ដែលទទួលបន្ទុកលើកិច្ចការគោលនយោបាយការបរទេស និងសន្តិសុខ បានបង្ហោះសារនៅលើបណ្ដាញសង្គម X ដោយអបអរសាទរចំពោះកិច្ចព្រមព្រៀងបទឈប់បាញ់ដែលកម្ពុជា និងថៃបានចុះហត្ថលេខានៅថ្ងៃទី២៧ ខែធ្នូ ឆ្នាំ២០២៥ និងបានចូលជាធរមាននៅម៉ោង ១២:០០ ថ្ងៃត្រង់ ។
អ្នកនាំពាក្យរូបនេះ ក៏បានជំរុញឱ្យភាគីទាំងពីរ (កម្ពុជា-ថៃ) អនុវត្តតាមកិច្ចព្រមព្រៀងនេះឱ្យបានត្រឹមត្រូវ និងដោយមានភាពស្មោះត្រង់ ។
បន្ថែមពីនេះ លោកក៏បានថ្លែងអំណរគុណដល់អាស៊ាន (ASEAN) សម្រាប់ការដើរតួនាទីយ៉ាងសំខាន់ និងវិជ្ជមានក្នុងការជួយឱ្យសម្រេចបាននូវលទ្ធផលបទឈប់បាញ់នេះ ។
លោកបានគូសបញ្ជាក់ដែរថា សហភាពអឺរ៉ុបបានត្រៀមខ្លួនរួចជាស្រេចក្នុងការផ្តល់ការគាំទ្រណាមួយដែលចាំបាច់ដល់ភាគីទាំងពីរ ៕
ប្រែសម្រួល៖ ឡេង លាងហេង
ប្រភព៖ បណ្ដាញសង្គម X Anouar El Anouni
រូបភាព៖ EU News/ X's Anouar El Anouni/ ក្រសួងព័ត៌មាន
