អភិបាលរាជធានីជំរុញអោយអាជ្ញាធរពាក់ព័ន្ធការពារពិធីបុណ្យអុំទូក
| ព័ត៌មានជាតិ
SHARE

​អភិបាលរាជធានីភ្នំពេញ ដាស់តឿនដល់កងកម្លាំងនគរបាលនិងកងកម្លាំងពាក់ព័ន្ធដទៃទៀតត្រូវបន្តសហការគ្នាឱ្យបានល្អថែមទៀត ធ្វើយ៉ាងណាសម្រាប់ការការពារពិធីបុណ្យអ៊ុំទូករយៈពេល៣ថ្ងៃទទួលបានជោគជ័យ​។ 

ប្រសាសន៍ជំរុញនេះធ្វេីឡេីងក្នុង​ថ្ងៃដំបូងនៃពិធិបុណ្យអ៊ុំទូកខណ:អភិបាលរាជធានីភ្នំពេញឯកឧត្តម ឃួង ស្រេង អមដំណើរដោយឯកឧត្តម ឧត្តមសេនីយ៍ឯក ស ថេត​អគ្គស្នងការងរនគរបាលជាតិនិងជាស្នងការនគរបាលរាជធានីភ្នំពេញ នៅព្រឹកថ្ងៃទី១០ ខែវិច្ឆិកា  បានអញ្ជើញចុះសាកសួរសុខទុក្ខដល់កងកម្លាំងនគរបាលរាជធានីភ្នំពេញដែលបានចេញប្រតិបត្តិការការងារការពារសន្តិសុខ រៀបចំសណ្តាប់ ធ្នាប់ សុវត្ថិភាព នៅក្នុងឱកាសពិធីបុណ្យអ៊ុំទូក អកអំបុក បណ្តែតប្រទីប និងសំព្រះខែនៅរាជធានីភ្នំពេញ​។ 

​អភិបាលរាជធានីភ្នំពេញឯកឧត្តម ឃួង ស្រេង ក្នុងឱកាសនោះក៏បានកោតសរសើរដល់កងកម្លាំងនគរបាលនៃស្នងការដ្ឋានគរបាលរាជធានីភ្នំពេញក្នុងរយៈពេលដែលចុះមកបំពេញភារកិច្ចរយៈពេលចាប់ពីមុនថ្ងៃបុណ្យឯករាជ្រជាតិ៩  វិច្ឆិកា រហូតមកដល់ពេលនេះ បានអនុវត្តកិច្ចការងាររបស់ខ្លួនគោរពនូវវិន័យបានល្អម៉ឺងម៉ាត់ការងារសម្រេចបានការការពារសន្តិសុខ សុវត្ថិភាពល្អ នាំឱ្យការប្រារព្ធពិធីបុណ្យឯកករាជជាតិដំណើរការទៅរលូន សន្តិសុខគ្រប់គ្រាន់។

គួរបញ្ជាក់ថាកម្លាំងសមត្ថកិច្ចប្រមាណ​៥០០០នាក់របស់ស្នងការដ្ឋានរាជធានីភ្នំពេញ​បានដាក់ពង្រាយនៅតាមទីតាំងប្រារព្ធពិធីបុណ្យសំដៅធ្វេីយ៉ាងណាការពារសុខសុវត្ថិភាពរបស់ប្រជាពលរដ្ឋដែលអញ្ជេីញចូលរួមក្នុងពិធីបុណ្យជាតិដ៏ធំមួយនេះ៕អត្ថបទ :​ម៉ៅ​ នរិទ្ធិយ៉ា

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation