សម្ដេចក្រឡាហោម ស ខេង ៖ ក្រុមប្រឹក្សាខេត្ត គ្មានសិទ្ធិកាត់ដី ឲ្យអ្នកណាម្នាក់ឡើយសម្រាប់ធ្វើការអភិវឌ្ឍអ្វីមួយឡើយ
| ព័ត៌មានជាតិ
SHARE

(ភ្នំពេញ)៖ នៅព្រឹកទី១៩ ខែកុម្ភៈ ឆ្នាំ២០២០នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញជាអធិបតីក្នុងពិធីបើក សន្និបាតត្រួតពិនិត្យការងារឆ្នាំ២០១៩ លើកទិសដៅការងារឆ្នាំ២០២០ របស់ក្រសួងមហាផ្ទៃ នៅទីស្ដីការក្រសួងមហាផ្ទៃ ។

សម្ដេចក្រឡាហោម ស ខេង បានលើកឡើងថា ក្រុមប្រឹក្សាខេត្ត គ្មានសិទ្ធិកាត់ដីធ្លី ឲ្យទៅបុគ្គលណាម្នាក់ សម្រាប់ធ្វើការអភិវឌ្ឍអ្វីមួយឡើយ ។

ការថ្លែងរបស់សម្តេច ស ខេង នេះ ក្រោយពីសម្តេចបានដឹងថា មានក្រុមប្រឹក្សាមួយរូប ដែលសម្តេចមិនបញ្ចេញឈ្មោះ បានកាត់ដី១០០០ហិកតា ទៅឲ្យបុគ្គលម្នាក់ កាលពីពេលថ្មីៗនេះ ។

នៅក្នុងពិធីបើកសន្និបាតត្រួតពិនិត្យការងារឆ្នាំ២០១៩ របស់ក្រសួងមហាផ្ទៃ នាព្រឹកនេះដែរ សម្ដេច ស ខេង បានឲ្យដឹងថា «ថ្ងៃមួយនោះ ខ្ញុំឃើញមានក្រុមប្រឹក្សាមួយនោះ ខ្ញុំមិនបញ្ចេញឈ្មោះទេ គាត់ទៅកាត់ដីមួយដំ១០០០ហិកតា ហើយសួរថា តើសិទ្ធិរបស់គាត់ឬអត់? គាត់គ្មានសិទ្ធិទេ រដ្ឋមន្ដ្រីក្រសួងមហាផ្ទៃ ក៏គ្មានសិទ្ធិដែរ ហើយជឿថា រដ្ឋមន្ដ្រីផ្សេងទៀត ក៏គ្មានសិទ្ធិដែរ ។ ចៅហ្វាយខេត្ត អត់ទាំងដឹងទៀត ហើយចៅហ្វាយខេត្ត ក៏គ្មានសិទ្ធិបែបនោះទៅទៀត ។ តែគាត់ជាក្រុមប្រឹក្សាមួយ គាត់មានសិទ្ធិ ដើម្បីបង្ខាំងដីមួយកន្លែងជាង១០០ហិកតា ដើម្បីយកដីហ្នឹងទៅអភិវឌ្ឍន៍ស្អីចឹង ។ ដល់ចឹងទៅប៉ះជាមួយប្រជាជន នៅកន្លែងណុងស្រាប់ និងអ្នកទៅអភិវឌ្ឍន៍ថ្មី»។

មិនត្រឹមតែក្រុមប្រឹក្សាគ្មានសិទ្ធិកាត់ដីទេ សូម្បីក្រសួងមហាផ្ទៃក៏គ្មានសិទ្ធិដែរ គ្រាន់តែជួយណែនាំ ដើម្បីចាត់ចែងការងារប៉ុណ្ណោះ។អត្ថបទ៖ ឃឹម វិសាល


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation