សម្តេច ស ខេង ៖ កម្ពុជា ពិតជាត្រូវការវត្តមានជនបរទេស ដើម្បីបង្កើនចំណូលចូលជាតិ
| ព័ត៌មានជាតិ
SHARE

ភ្នំពេញ ៖ នៅរសៀលថ្ងៃទី៣០ ខែមករា ឆ្នាំ២០២០សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ អញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០១៩ និងលើកទិសដៅការងារឆ្នាំ២០២០  របស់អគ្គនាយកដ្ឋានអន្ដោប្រវេសន៍ ។

នៅក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០១៩ និងលើកទិសដៅការងារឆ្នាំ២០២០  របស់អគ្គនាយកដ្ឋានអន្ដោប្រវេសន៍នេះ សម្ដេចក្រឡាហោម ស ខេង  ស ខេង មានប្រសាសន៍ថា " កម្ពុជាយើងពិតជាត្រូវការវត្តមានជនបរទេស និងចង់បានឲ្យចំនួនមានការកើនឡើងខ្ពស់ ប៉ុន្តែសមាសភាពដែលចង់បាននោះ គឺអ្នកទេសចរណ៍ ពាណិជ្ជករ អ្នកវិនិយោគ និងអ្នកឯកទេសពិតប្រាកដដែលអាចជួយដល់ការអភិវឌ្ឍសេដ្ឋកិច្ចជាតិ និងការធ្វើឲ្យប្រសើរឡើងនូវជីវភាពរស់នៅរបស់ប្រជាពលរដ្ឋ" ។ 

ប៉ុន្តែសម្តេចក៏ទទួលស្គាល់ថា ជនបរទេសដែលបានមកកម្ពុជាក៏បានបង្កបញ្ហាអសកម្ម ក្នុងនោះ ករណីបាញ់សម្លាប់មនុស្ស ករណីឃាដកម្ម ចាប់ជម្រិតទារប្រាក់ វាយតប់ ឆក់ប្លន់ បង្កឡើងការបាត់បង់សណ្តាប់ធ្នាប់ និងក្តីបារម្ភក្នុងសង្គម ។ ការប្រព្រឹត្តបទល្មើស VOIP Game Online ការចរាចរជួញដូរ និងប្រើប្រាស់គ្រឿងញៀន ការប្រកបមុខរបរដោយគ្មានសៀវភៅការងារ ការលួចជ្រៀតចូលដោយខុសច្បាប់ និងស្នាក់នៅហួសរយៈពេលកំណត់។

រដ្ឋមន្ដ្រីក្រសួងមហាផ្ទៃបន្ថែមថា តែបញ្ហាទាំងអស់នេះត្រូវបានអាជ្ញាធរមានសមត្ថកិច្ចចូលរួមដោះស្រាយទប់ស្កាត់ និងបង្ក្រាប ប្រកបដោយប្រសិទ្ធភាពទាន់ពេលវេលា។

សូមបញ្ជាក់ថា កាលពីឆ្នាំ២០១៩ កន្លងទៅថ្មីៗនេះ កម្ពុជាទទួលបានជនបរទេសគ្រប់ប្រភេទប្រមាណ ៦,៣ លាននាក់ ដោយរក្សាបានកំណើន ៦,៦៩% ទោះបីសភាពការណ៍សន្តិសុខពិភពលោកមានភាពស្មុគស្មាញ ជះឥទ្ធិពលដល់ចលនាធ្វើដំណើរអន្តរជាតិក៏ដោយ ៕

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation