នាយចឹម មិនព្រមទទួលយកសំណង១ម៉ឺនដុល្លារ ពីជនបង្កហេតុ
| ព័ត៌មានជាតិ
SHARE

ព័ត៌មានចុងក្រោយ ដែលcncទទួលបាន មកទល់ពេលនេះ នាយចឹម មិនព្រមទទួលយកសំណង១ម៉ឺនដុល្លារ ពីជនបង្កហេតុទេ ខណៈសំណងសរុបទាំងអស់ មានចំនួន៣ម៉ឺនដុល្លារ។ 

មកដល់ពេលរសៀលថ្ងៃនេះ នាយចឹម នៅតែមានវត្តមាននៅខេត្តប៉ៃលីនដដែល ដើម្បីរងចាំដោះស្រាយបញ្ហានេះ។ ខណៈដែលការទាសំណងបានទាន់បានដូចចិត្ត នាយចឹមក៏បានដាក់ពាក្យបណ្តឹងប្តឹង ជនបង្កហេតុ ទៅកាន់តុលាការខេត្តប៉ៃលីន។

ក្រោយពីមានបញ្ហានេះ សមាគមសិល្បៈកម្ពុជា ដឹកនាំដោយអ្នកនាង ចនច័ន្ទ លក្ខិណា គ្រោងនឹងដាក់ពាក្យបណ្តឹង ទៅកាន់តុលាការ ពីបទព្រហ្មទណ្ឌ ទោះបីជានាចឹម មិនប្តឹងឬក៏ដកពាក្យបណ្តឹងក៏ដោយ។ សមាគមនេះបញ្ជាក់ថា ករណីនេះ មិនមែនជាលើកទី១ទេ ដែលជនបង្កខ្លះ ធ្វើសកម្មភាពខុសច្បាប់មកលើសិល្បករសិល្បការិនី។ ប្រភពដដែល បន្តថា ករណីខ្លះមានអ្នកអាងខ្នង ចេញការពារជនបង្កហេតុ។ សមាគមនេះ មិនចង់ឲ្យសកម្មភាពបែបនេះ បង្កមកលើសិល្បករជាហូហែទៀតនោះទេ។  

បើតាមសាច់ញាតិរបស់តារាចម្រៀង ចឺម គឺនាយ ក្រូច ឲ្យដឹងថា លោក ចឺម នៅពេលនេះ កំពុងស្ថិតនៅខេត្តប៉ៃលិន នៅឡើយ ដើម្បីដោះស្រាយបណ្តឹងលើជនបង្ក ដែលបានប្រើកំណាត់ឈើវាយលើក្បាលរបស់ខ្លួន។

គួរបញ្ជាក់ថា រឿងហេតុប្រើអំពើហិង្សានេះបានកើតឡើងកាលពីរសៀលម៉ោងប្រមាណ ៤ និង ២០ នាទី ថ្ងៃទី ១៨ ខែធ្នូ ឆ្នាំ ២០១៩ កន្លងទៅនេះ ដោយជនដៃដល់ត្រូវបានគេស្គាល់អត្តសញ្ញាណឈ្មោះ ង៉ែត លីទី ភេទប្រុស អាយុ២២ឆ្នាំ មុខរបរ បុគ្គលិកក្រុមហ៊ុន រស់នៅភូមិផ្សារព្រំជើង ឃុំស្ទឹងកាច់ សាលាក្រៅ ខេត្តប៉ៃលិន ។ បើតាមការឱ្យដឹង ក្នុងករណីហិង្សានោះជនដៃដល់បានប្រើដំបងឈើវាយលើតារាចម្រៀងនាយ ចឺម ដែលជាជនរងគ្រោះ បណ្តាលឱ្យមានរងរបួសត្រង់កំភួនដៃទាំងសងខាង និង បែកក្បាលដេរអស់ ៥ ថ្នេរ ក្នុងនោះទូរស័ព្ទម៉ាក I phone Xមួយគ្រឿងបានខូចខាតខ្ទេច៕


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation