កាន់តែពិសេ! CBS នឹងផ្សាយបន្តផ្ទាល់ការប្រកួតរវាងហុងកុង និងកម្ពុជា វគ្គជម្រុះជុំទីពីរFIFA World Cup Qatar 2022
| កីឡា
SHARE

ភ្នំពេញ៖ កាន់តែជក់ចិត្តបន្ថែមទៀតសម្រាប់ប្រិយមិត្តនៅកម្ពុជា ដែលជាអ្នកស្នេហា និងគាំទ្រវិស័យបាល់ទាត់ ដោយក្រុមហ៊ុន CBS មានកិត្តិយសនាំមកជូននូវការផ្សាយបន្តផ្ទាល់ជំនួបរវាងក្រុមបាល់ទាត់ជម្រើសជាតិហុងកុង ទល់នឹង ក្រុមជម្រើសជាតិកម្ពុជា ការប្រកួត FIFA World Cup Qatar 2022 វគ្គជម្រុះ Preliminary Joint Qualification Round 2 នៅថ្ងៃទី១៩ ខែវិច្ឆិកា ឆ្នាំ២០១៩ ចាប់ម៉ោង ១៨:៣០ នាទីតទៅ។

នេះជាការជួបគ្នាលើកទីពីរ រវាងក្រុមទាំងពីរ ក្នុងព្រឹត្តិការណ៍ខាងលើ ដែលកាលពីជុំទីមួយ កម្ពុជា បានប្រកួតស្មើជាមួយហុងកុង ដោយលទ្ធផល ១ទល់នឹង១ នៅពហុកីឡដ្ឋានជាតិ រាជធានីភ្នំពេញ កាលពីថ្ងៃទី៥ ខែកញ្ញា ឆ្នាំ២០១៩។ សម្រាប់ជំនួបនៅថ្ងៃទី១៩ ខែវិច្ឆិកាខាងមុខនេះ កម្ពុជា បានត្រៀមខ្លួនបានយ៉ាងល្អ ដើម្បីធ្វើដំណើរទៅសួរសុខទុក្ខក្រុមម្ចាស់ផ្ទះហុងកុង។

ចំពោះកម្ពុជា មុនការប្រកួតផ្លូវការទល់នឹងហុងកុង ក៏បានណាត់ជួបគ្នាជាមួយក្រុមជម្រើសជាតិម៉ុងហ្គោលី នៅថ្ងៃទី១៤ ខែវិច្ឆិកា ដែលជាការប្រកួតមិត្តភាពកម្ដៅសាច់ដុំតែប៉ុណ្ណោះ។ ដោយឡែក ហុងកុង នឹងស្វាគមន៍ក្រុមបារ៉ែន ដែលស្ថិតក្នុងពូល C ជាមួយគ្នា ក្នុងការប្រកួត FIFA World Cup Qatar 2022 វគ្គជម្រុះ Preliminary Joint Qualification Round 2 នៅថ្ងៃទី១៤ ខែវិច្ឆិកា ឆ្នាំ២០១៩នេះ មុននឹងទទួលក្រុមគោព្រៃ នៅថ្ងៃទី១៩ ខែវិច្ឆិកា។

ការប្រកួតរវាងហុងកុង ទល់នឹងកម្ពុជា នឹងមានផ្សាយបន្តផ្ទាល់លើកញ្ចក់ទូរទស្សន៍ CTN និង Facebook Page: CBS Sport ។ ដូច្នេះ សូមប្រិយមិត្ត រង់ចាំតាមដានទស្សនាការប្រកួតដ៏ជក់ចិត្តនេះទាំងអស់គ្នា៕

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation