គ្រាន់តែថ្ងៃទី១ សោះ ខេត្តកោះកុងបង្ហាញទស្សនីយ៍ភាពប្លែកពីរក្នុងពិធីបុណ្យកោះកុងសង្ក្រាន្ត
| ព័ត៌មានជាតិ
SHARE

កោះកុង៖នៅខេត្តកោះកុង នាថ្ងៃទី១នៃពិធីបុណ្យចូលឆ្នាំថ្មីប្រពៃណីជាតិខ្មែរ គ្រាន់តែថ្ងៃទី១ សោះក្រុងខេមរភូមិន្ទ បង្ហាញទស្សនីយ៍ភាពប្លែកពីរក្នុងកម្មវិធីបុណ្យកោះកុងសង្ក្រាន្ត ធ្វើអោយទស្សនិកជន ភ្ញៀវជាតិ អន្តរជាតិ មានការភ្ញាក់ផ្អើល នៅទីលានបាល់ទាត់និងមុខសាលមហោស្រប។


ទីលានបាល់ទាត់គឺជាកន្លែងមួយដែលរដ្ឋបាលខេត្តកោះកុង បានរៀបចំធ្វើជាទីតាំងសម្រាប់លេងល្បែងប្រជាប្រិយ ចំនួនប្រមាណ២០ទម្រង់ ត្រូវបានលោកអភិបាលក្រុងខេមរភូមិន្ទ រៀបចំរួចរាល់ជាស្ថាពរត្រឹមយប់ថ្ងៃទី១៣ មេសា ២០១៩ ។ដោយឡែកនៅថ្ងៃទី១៤ មេសា នេះលោកបានកែច្នៃបន្ថែម នូវស្នាដៃថ្មីប្លែករបស់លោកមួយ នោះគឺមួកយ័ក្ស ដោយប្រើរយះពេលត្រឹម៣យប់ចុងក្រោយប៉ុណ្ណោះ ស្នាដៃថ្មីមួយនេះបានធ្វើអោយ ប្រជាពលរដ្ឋមានការភ្ញាក់ផ្អើលនិងចាប់អារម្មណ៍ខ្លាំងបំផុត ហើយនាំគ្នាមកថតរូបយ៉ាងច្រើនកុះករ នេះជាការបញ្ជាក់ច្បាស់ពីលោកអភិបាលក្រុងខេមរភូមិន្ទ ឈេង សុវណ្ណដា ប្រាប់CNC ដឹងនៅព្រឹកថ្ងៃទី១៤ មេសា ២០១៩នេះ។


បើយើងក្រឡេកមើលទិដ្ឋភាពជាក់ស្តែង ខាងមុខសាលមហោស្របឯណោះវិញកំពុងរៀបចំតង់ស៍បង្ហាញផលិតផលតាមតំបន់និមួយៗ រៀងៗខ្លួន ដោយឡែកអ្វីដែលប្លែកគួរអោយចាប់អារម្មណ៍ដែរនោះ គឺផលិតផលរុក្ខជាតិព្រៃម្យ៉ាងមានឈ្មោះថា ដើមក្រវ៉ាញ ដែលជាផលិតផលធម្មជាតិកំពុងពេញនិយមរបស់អ្នកស្រុកថ្មបាំង ក្នុងនោះរដ្ឋបាលស្រុកថ្មបាំងផ្តើមរៀបចំតាំងបង្ហាញស្នាដៃម្ហូបប្លែកហើយងាយស្រួលក្នុងការចម្អិន នោះគឺមាន់ដុតក្រវ៉ាញ។


ការរៀបចំតាំងបង្ហាញស្នាដៃម្ហូបប្លែកមាន់ដុតក្រវ៉ាញនេះ បានធ្វើអោយមនុស្សម្នាទាំងលាយកំពុងធ្វើដំនើរ
ឈ្ងុយក្លិនប្រហើរ ហើយចាប់អារម្មណ៍ ចូលភ្លក់ស្នាដៃមួយនេះទាំងព្រឹកយ៉ាងច្រើនកុះករ ផងដែរមុនចូលរួមពិធីបុណ្យឆ្នាំថ្មីប្រពៃណីជាតិខ្មែរ ដែលនៅ ម៉ោង១៥:១២នាទីរសៀលនេះពួកគេទទួលទេវតាឆ្នាំថ្មី ព្រះនាងទុង្សាទេវីដែលយាងចុះមកទទួលអំណរសាទរឆ្នាំថ្មី និងគ្រប់គ្រងចក្រវាលទាំងមូលតពីទេវតាឆ្នាំចាស់៕


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation