ព្រះមហាក្សត្រឡាយព្រះហស្ដលេខាលើព្រះរាជក្រមប្រកាសឲ្យប្រើច្បាប់ស្តីពីសំណង់ ចាប់ពីថ្ងៃទី០២ ខែវិច្ឆិកា ឆ្នាំ២០១៩
| ព័ត៌មានជាតិ
SHARE

(ភ្នំពេញ)៖ នៅថ្ងៃទី០៧ ខែវិច្ឆិកាឆ្នាំ២០១៩ នេះក្រសួងរៀបចំដែនដី នគររូបនីយកម្មនិងសំណង់ បានប្រកាសឲ្យដឹងថា ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់បានសព្វព្រះរាជហឫទ័យឡាយព្រះហស្ដលេខា ប្រកាសឲ្យប្រើច្បាប់ស្តីពីសំណង់ ជាផ្លូវការ។

យោងតាមព្រះរាជក្រមរបស់ព្រះមហាក្សត្របានបញ្ជាក់ថា ច្បាប់ស្ដីពីសំណង់នេះ ត្រូវបានរដ្ឋសភាអនុម័តកាលពីថ្ងៃទី៧ ខែតុលា ឆ្នាំ២០១៩ សម័យប្រជុំសភាលើកទី៣ នីតិកាលទី៦ ហើយត្រូវបានព្រឹទ្ធសភាបានពិនិត្យចប់សព្វគ្រប់លើទម្រង់និងគតិច្បាប់នេះ ទាំងស្រុងកាលពីថ្ងៃទី១៨ ខែតុលា ឆ្នាំ២០១៩ នាសម័យប្រជុំវិសាមញ្ញនីតិកាលទី៤។

សូមជម្រាបថាច្បាប់ស្តីពីសំណង់មានសរុប ១១១ មេត្រា ដែលត្រូវបានព្រះករុណា ព្រះមហាក្សត្រឡាយព្រហស្ថលេខា ប្រកាសឲ្យប្រើប្រាស់ចាប់ពីថ្ងៃទី០២ ខែវិច្ឆិកា ឆ្នាំ២០១៩ តទៅ៕


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation