រាជរដ្ឋាភិបាល ជំរុញឲ្យដំណើរការ កំណែទម្រង់វិមជ្ឈការ វិវត្តន៍ទៅមុខជានិច្ចទោះបីជួបបញ្ហាប្រឈម មួយចំនួនក៏ដោយ
| ព័ត៌មានជាតិ
SHARE

ភ្នំពេញ ៖ ភ្នំពេញ:នារសៀលថ្ងៃចន្ទ ទី០៤ ខែតុលា ឆ្នាំ២០១៩នេះ សម្តេចក្រឡាហោម ស ខេង នាយករដ្ឋមន្ដ្រី ស្ដីទី បាននអនុញ្ញាតឲ្យ ឯកឧត្តម Christan Berger ឯកអគ្គរដ្ឋទូតអាល្លឺម៉ង់ ទើបតែងតាំងថ្មី ចូលជួបសម្តែងការគួរសម នៅទីស្តីការក្រសួងមហាផ្ទៃ។ 

សម្ដេចក្រឡាហោម ស ខេង នាយករដ្ឋមន្ដ្រី ស្ដីទី បញ្ជាក់ថា រាជរដ្ឋាភិបាល ជំរុញឲ្យដំណើរការកំណែ ទម្រង់វិមជ្ឈការ និងវិសហមជ្ឈការ មានការវិវត្តន៍ទៅមុខជានិច្ច ទោះបីជួបបញ្ហាប្រឈមមួយចំនួន ក៏ដោយ។

ក្នុងជំនួបពិភាក្សាការងារជាមួយ ឯកឧត្តម គ្រីស្ទាន បែកហ្គឺ (H.E. Mr. Christian Berger) ឯកអគ្គរដ្ឋទូត អាល្លឺម៉ង់ថ្មី ប្រចំាកម្ពុជា   សម្ដេច ស ខេង បានរំលឹកថា អាល្លឺម៉ង់បន្ដជួយគាំទ្របន្ថែមទៀត ដល់ដំណើរការនៃកំណែទម្រង់ វិមជ្ឈការ និងវិសហមជ្ឈការរបស់កម្ពុជា ដែលនេះជាព័ត៌មានមួយ ដ៏រីករាយសម្រាប់កម្ពុជា។

សម្ដេច មានប្រសាសន៍ថា “ឆន្ទៈរបស់រាជរដ្ឋាភិបាលកម្ពុជា បន្ដខិតខំធ្វើយ៉ាងណា បង្កើនកិច្ចសហការ ជាមួយភាគីពាក់ព័ន្ធ ក្នុងរាជរដ្ឋាភិបាល ក៏ដូចជាដៃគូពាក់ព័ន្ធដ៏ទៃ ដើម្បីជំរុញឲ្យដំណើរការកំណែ ទម្រង់វិមជ្ឈការ និងវិសហមជ្ឈការនេះ មានវឌ្ឍនៈភាពទៅមុខ។ ហើយទោះបីជួបប្រទះនូវ បញ្ហាប្រឈម មួយចំនួន លើកិច្ចការងារនេះ ក៏ខិតខំធ្វើយ៉ាងណាស្វែងរកដំណោះស្រាយ ដើម្បីវិវត្តន៍រីកច្រើនលើ ការងារនេះផងដែរ”។

បន្ថែមពី នាយករដ្ឋមន្ដ្រី ស្ដីទី ក្រែងរំលឹកថា កន្លងមករាជរដ្ឋាភិបាល បានយកខេត្តបាត់ដំបង ជាខេត្តគំរូ ដើម្បីធ្វើផ្ទេរមុខងារសាធារណៈ ដូចជា ផ្នែកអំប់រំ សុខាភិបាល ជាដើម។ដូច្នេះ បាត់ដំបង ក៏ទទួលបាន ជោគជ័យ ហើយបាត់ដំបងជាគំរូបមួយ សម្រាប់បន្ដរដ្ឋបាលថ្នាក់ក្រោមជាតិ នៅខេត្តផ្សេងៗទៀត។

ជាការឆ្លើយតបវិញ  ទូតអាល្លឺម៉ង់ថ្មី ប្រចំាកម្ពុជា  អំណរគុណ សម្ដេច ស ខេង ចំពោះព័ត៌មាន បច្ចុប្បន្នភាព របស់កម្ពុជា។ លោក សម្ដែងនូវក្ដីរីករាយ ចំពោះល្បឿននៃកំណែទម្រង់ វិមជ្ឈការ និងវិសហមជ្ឈការ ជាពិសេសបន្ទាប់ពីដំណើរទស្សនកិច្ចរបស់សម្ដេច ស ខេង និងគណៈប្រតិភូទៅកាន់ ប្រទេសអាល្លឺម៉ង់ កាលពីពេលកន្លងទៅថ្មីៗនេះ។

ទូតអាល្លឺម៉ង់ រៀបរាប់ថា សម្រាប់ភាគីអាល្លឺម៉ង់ គឺមានទីភ្នាក់ងារ អភិវឌ្ឍន៍ អា ល្លឺ ម៉ ង់ (GIZ) នៅកម្ពុជា ដែលធ្វើការងារគាំទ្រលើវិស័យកំណែទម្រង់ មជ្ឈការ និងវិសហមជ្ឈការ។ ឯកឧត្តមក៏បានស្នើដល់ក្រសួងមហាផ្ទៃ និងផ្នែកពាក់ព័ន្ធធ្វើយ៉ាងណាបន្ដទំនាក់ទំនង កិច្ចសហការ ជាមួយ GIZ បន្ថែមទៀត ដើម្បីឈានទៅសម្រេចនូវអ្វីដែលជាទិសដៅក្នុងកំណែទម្រង៕ដោយ៖ ឃឹម វិសាល

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation