ប្រាសាទបុរាណជប៉ុន ជាបេតិកភណ្ឌប្រវត្តិសាស្ត្រ UNESCO ត្រូវភ្លេីងឆាបឆេះ
| ព័ត៌មានអន្តរជាតិ
SHARE

អគ្គិភ័យ បានរាលដាលក្នុងចំណោមសំណង់នានា នៅឯប្រាសាទស៊ូរី នៅលើកោះអូគីណាវ៉ា នាភាគខាងត្បូង របស់ប្រទេសជប៉ុន ដោយករណីនេះ ស្ទើរតែបំផ្លាញតំបន់បេតិកភណ្ឌពិភពលោក របស់យូណេស្កូ។

អ្នកនាំពាក្យប៉ូលិសអូគីណាវ៉ា លោក Ryo Kochi និយាយថា ក្រុមពន្លត់អគ្គិភ័យ នៅតែកំពុងប្រយុទ្ធនឹងអគ្គិភ័យនេះពីរបីម៉ោង បន្ទាប់ពីអគ្គិភ័យ បានចាប់ផ្តើមកាលពី ព្រឹកថ្ងៃព្រហស្បតិ៍នេះ ហើយអ្នកស្រុកនៅក្បែរនោះ ត្រូវបានជម្លៀស ទៅកាន់តំបន់មានសុវត្ថិភាព។

អគ្គិភ័យ នៅទីក្រុងណាហា ដែលជាទីប្រជុំខេត្តអូគីណាវ៉ា បានចាប់ផ្តើមចេញពីរចនាសម្ព័ន្ធសំខាន់ នៃប្រាសាទ។ គ្មាននរណាម្នាក់រងរបួស ក្នុងករណីនេះឡើយ។ ដោយឡែក មូលហេតុនៃអគ្គិភ័យនេះ ក៏មិនទាន់ត្រូវបានគេដឹងភ្លាមៗដែរ។
រូបភាពនៅលើកញ្ចក់ទូរទស្សន៍ NHK បង្ហាញថា ប្រាសាទនេះព័ទ្ធជុំវិញ ដោយអណ្តាតភ្លើងពណ៌ទឹកក្រូច។

ប្រាសាទបុរាណ គឺជានិមិត្តរូប នៃបេតិកភណ្ឌវប្បធម៌ របស់អូគីណាវ៉ា ចាប់តាំងពីពេលនៃយូរ៉ាគូយូ ដែលមានអាយុកាល ប្រហែល ៤៥០ឆ្នាំ ពីឆ្នាំ១៤២៩ ដល់ឆ្នាំ១៨៧៩ នៅពេលកោះនេះ ត្រូវបានបញ្ចូលដោយជប៉ុន។

ប្រាសាទនេះ ត្រូវបានកំណត់ជាសម្បត្តិបេតិកភណ្ឌពិភពលោក របស់យូណេស្កូ ក្នុងឆ្នាំ២០០០៕

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation