យុវជន២៧នាក់ទទួលបាមការបណ្ដុះបណ្ដាលស្ដីពីហានិភ័យនៃការបើកបរក្រោមឥទ្ធិពលគ្រឿងស្រវឹងនិងមិនពាក់មួកសុវត្ថិភាព 
| ព័ត៌មានជាតិ
SHARE

ខេត្តព្រះសីហនុ ៖ លោក ម៉ាង ស៊ីណេត អនុប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ បានអញ្ជើញបើកវគ្គបណ្ដុះបណ្ដាលស្ដីពីហានិភ័យនៃការបើកបរក្រោមឥទ្ធិពលគ្រឿងស្រវឹង និងការបើកបរដោយមិនពាក់មួកសុវត្ថិភាព ដល់ជនបង្គោលជាទីប្រឹក្សាយុវជន និងយុវជនកាកបាទក្រហមកម្ពុជា មកពីវិទ្យាល័យ ហ៊ុន សែនមិត្តភាព វិទ្យាល័យ ក្រុងព្រះសីហនុ សរុបចំនួន២៧នាក់ នៅវិទ្យាល័យក្រុងព្រះសីហនុ កាលពីព្រឹកថ្ងៃទី២៤តុលាឆ្នាំ២០១៩។

វគ្គបណ្ដុះបណ្ដាលនេះប្រព្រឹត្តទៅក្នុងគោលបំណង៖ 

១.ផ្តល់ការបណ្តុះបណ្តាលដល់ជនបង្គោលកាកបាទក្រហមកម្ពុជា លើជំនាញផ្សព្វផ្សាយអប់រំអំពីហានិភ័យនៃការបរក្រោមឥទ្ធិពលគ្រឿងស្រវឹង និងបើករដោយមិនពាក់មួកសុវត្ថិភាព។

២.បង្ហាញអំពីស្ថានភាពបើកបរក្រោមឥទ្ធិពលគ្រឿងស្រវឹង និងហានិភ័យនៃការបើកបរដោយមិនពាក់មួកសុវត្ថិភាព។

៣. រៀបចំផែនការបណ្តុះបណ្តាលនៅតាមសាលារៀន និងតាមទីសាធារណៈ។ 

វគ្គនេះមានរយៈពេល២ថ្ងៃ ចាប់ពីថ្ងៃទី ២៤ និង២៥ ខែតុលា ឆ្នាំ២០១៩ ដែលទទួលបានការជួយឧបត្ថម្ភគាំទ្រពីក្រុមហ៊ុនអាកាសយានដ្ឋានកម្ពុជា តាមរយៈកាកបាទក្រហមកម្ពុជា។

វគ្គបណ្តុះបណ្តាលនេះក៏មានការចូលរួមសម្របសម្រួលពីលោក ឃឹម សុផល អ្នកសម្របសម្រួលគម្រោងយុវជនកាកបាទក្រហមកម្ពុជា និងសុវត្ថិភាពចរាចរណ៍ ទីស្នាក់ការកណ្ដាលកាកបាទក្រហមកម្ពុជា និងលោក ស៊ូ សុខណា មន្ត្រីសម្របសម្រួលកម្មវិធីយុវជនកាកបាទក្រហមកម្ពុជា ។

មានប្រសាសន៍ក្នុងពិធីបើកវគ្គបណ្ដុះបណ្ដាលនេះលោក ម៉ាង ស៊ីណេត អនុប្រធានគណៈកម្មាធិការសាខា បានលើកឡើង ផងដែរអំពី កម្មវិធីអភិវឌ្ឍន៍ក្នុងខេត្តនាពេលបច្ចុប្បន្ន ក្នុងនោះ ក៏បានលើកឡើងអំពីការកសាងហេដ្ឋារចនាសម្ព័ន្ធផ្លូវថ្នល់ ដែលកំពុងទទួលរងនូវការទ្រទ្រង់និងខូចមួយចំនួនធំនោះហើយបច្ចុប្បន្នត្រូវបានរដ្ឋបាលខេត្តកំពុងក្រសាងនិងស្ថាបនា ឡើងវិញជាបណ្ដើរបណ្ដើរផងដែរ ។

ក្នុងនោះឯកឧត្តមអភិបាលរងខេត្តព្រះសីហនុ ក៏បានផ្ដាំផ្ញើដល់ទីប្រឹក្សា និងប្អូនៗយុវជនកាកបាទក្រហមកម្ពុជា សាខាខេត្តព្រះសីហនុទាំងអស់ដែល ជាសិក្ខាកាមក្នុងវគ្គត្រូវយកចិត្តទុកដាក់ស្ដាប់ យកចំណេះដឹងពីគ្រូឧទ្ទេសដើម្បីអាចយកទៅបណ្ដុះបណ្ដាល ឬផ្សព្វផ្សាយបន្តដល់មិត្តភក្តិ យុវជនកាកបាទក្រហមកម្ពុជា ឬសិស្សានុសិស្សក្នុងសាលា និងសហគមន៍ ក្នុងគោលបំណងកាត់បន្ថយអត្រាគ្រោះថ្នាក់ ស្លាប់ របួស និងពិការដោយសារគ្រោះថ្នាក់ ចរាចរណ៍ និងចូលរួមរៀបចំផែនការឲ្យបានច្បាស់លាស់ ដើម្បីចុះអប់រំ ផ្សព្វផ្សាយនូវតាមសាលាគោលដៅ និង តាម សហគមន៍៕ដោយ៖ប៉ៃ សិឃីម

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation