ព័ត៌មានជាតិ

ថាមពលអគ្គិសនីដើរដោយធ្យូងថ្មមានអនុភាព ១៣៥ មេហ្គាវ៉ាត់នឹងដាក់ដំណើរការនៅអំឡុងខែវិច្ឆិកា

image

ខេត្តព្រះសីហនុ៖ ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល រួមជាមួយនឹងថ្នាក់ដឹកនាំក្រសួងមន្ត្រីជំនាញ បានចុះពិនិត្យទីតាំងរោងចក្រ គម្រោងវិនិយោគបន្ថែមម៉ាស៊ីនអគ្គិសនី ដំណើរការដោយធ្យូងថ្មដែលមានអនុភាព ១៣៥ មេហ្គាវ៉ាត់របស់ក្រុមហ៊ុនCambodian Energyll Co.,Ltd(CEL) នៅខេត្តព្រះសីហនុ ដោយ ផ្អែកលើលិខិតជូនដំណឹងរបស់រាជរដ្ឋាភិបាលកម្ពុជាលេខ ២៤៦ សជណ.ឧស ចុះថ្ងៃទី ២៤ ខែមិថុនាឆ្នាំ ២០១៦ ដែលរាជរដ្ឋាភិបាលបានអនុញ្ញាតឲ្យជាគោលការណ៍ ក្រុមហ៊ុនCambodian Energyll Co.,Ltd(CEL) ធ្វើការវិនិយោគបន្ថែមម៉ាស៊ីនផលិតអគ្គិសនីដោយធ្យូងថ្មដែលមានកម្លាំងអនុភាព ១៣៥ មេហ្គាវ៉ាត់មួយគ្រឿងបន្ថែមទៀតជាលក្ខណៈបន្ទាន់ដាក់ឲ្យដំណើរការនៅចុងឆ្នាំ ២០១៩ នេះ ជំនួសគម្រោងវារីអគ្គិសនី ស្ទឹងជាយអារែងដែលត្រូវផ្អាក ។នៅលើទីតាំងដែលមានស្រាប់ស្ថិតនៅក្នុងស្រុកស្ទឹងហាវខេត្តព្រះសីហនុ និងបានអនុញ្ញាតឲ្យគណៈកម្មការអន្តរក្រសួងរួមមានក្រសួងរ៉ែនិងថាមពលក្រសួងសេដ្ឋកិច្ចនិងហិរញ្ញវត្ថុ អាជ្ញាធរអគ្គិសនីកម្ពុជា និងអគ្គិសនីកម្ពុជាក្នុងការចរចាជាមួយក្រុមហ៊ុន CEL ហើយក្រុមហ៊ុននេះក៏បានបង្កើត ក្រុមហ៊ុនCambodian Energyll Co.,Ltd(CEL) ជាក្រុមហ៊ុនអនុវត្តគម្រោងបន្ថែមថ្មីនេះ។

ឯកឧត្តមរដ្ឋមន្ត្រីឧស្សាហកម្មរ៉ែនិងថាមពលបាន បញ្ជាក់បន្ថែមថា ក្រោយពីស្ដាប់ ការលើកឡើងរបស់ក្រុមហ៊ុន ក្នុងការ កសាងនិង វិនិយោគបន្ថែមម៉ាស៊ីនផលិតអគ្គិសនីដំណើរការដឹកធ្យូងថ្មដែលមានអនុភាព ១៣៥ មេហ្គាវ៉ាត់នៅខេត្តព្រះសីហនុនេះគម្រោងនេះគឺសាងសង់ ធ្វើម្ចាស់ដំណើរការ(BOO) ដែលមានទុនវិនិយោគ សរុបចំនួន ២៥៩.៩ លានដុល្លារអាមេរិច អត្រាការប្រាក់ហិរញ្ញប្បទានសម្រាប់គម្រោងនេះគឺ ៦.៥% និងរយៈពេលសងបំណុល ១៥ឆ្នាំ ហើយរយៈពេលសម្បទាន ៣០ឆ្នាំ សម្រាប់ធ្វើអាជីវកម្មនឹងសាងសង់រួចរាល់និងដាក់ឱ្យដំណើរការយ៉ាងយូរ គិតត្រឹមថ្ងៃទី ១៥ខែវិច្ឆិកាឆ្នាំ ២០១៩។ មកដល់បច្ចុប្បន្ននេះ គម្រោងសាងសង់ របស់ក្រុមហ៊ុន សម្រេចបានប្រមាណជា ៨០ ភាគរយនៃផែនការគម្រោង។

ក្នុងដំណើរការនៃការចុះពិនិត្យ រោងចក្រផលិតធ្យូងថ្ម ថ្មី ដែលនឹងដាក់ឲ្យដំណើរការក្នុងពេលឆាប់ៗខាងមុខនេះ ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល ក៏បានបញ្ជាក់ផងដែរថាសូមឲ្យប្រជាពលរដ្ឋជឿជាក់លើរាជរដ្ឋាភិបាលកម្ពុជានាពេលបច្ចុប្បន្នដែលមានសម្ដេចតេជោហ៊ុនសែនជាប្រមុខដឹកនាំអំពីវិស័យថាមពល អគ្គីសនី ឲ្យការប្រើប្រាស់បានគ្រប់គ្រាន់ ស្ថិរភាព គុណភាព និងតម្លៃសមរម្យជូនបងប្អូនប្រជាពលរដ្ឋក៏ដូចជាអ្នកវិនិយោគទុនគ្រប់ប្រភេទនៅក្នុងទូទាំងព្រះរាជាណាចក្រកម្ពុជាផងដែរ៕ដោយ៖ប៉ៃ សុឃីម


ព័ត៌មានទាក់ទង...