ការស្តារសំរាម និងភក់ នៅប្រឡាយស្ទឹងមានជ័យ សម្រេចបាន ៨៩%នៃគម្រោង
| ព័ត៌មានជាតិ
SHARE

ភ្នំពេញ៖ មន្ទីរសាធារណការនិងដឹកជញ្ជូនរាជធានីភ្នំពេញ បានបញ្ជាក់នៅថ្ងៃនេះថា គិតត្រឹមថ្ងៃទី១៧ខែមីនាឆ្នាំ២០១៩នេះ ការដ្ឋានកាយស្តារសំរាម និងភក់ នៅប្រឡាយស្ទឹងមានជ័យ សម្រេចបានបរិមាណ ៤២.៧៨១ម៉ែត្រគូប នៃគម្រោងសរុប ៤៨.២៣៩ម៉ែត្រគូប ត្រូវជា ៨៩% ។

មន្ទីរសាធារណការនិងដឹកជញ្ជូនរាជធានីភ្នំពេញឲ្យដឹងថា គម្រោងកាយស្តារប្រឡាយស្ទឹងមានជ័យនេះ មានប្រវែង ១.៤៩៨ម ចាប់ពីស្ពានអាកាសស្ទឹងមានជ័យ ដល់ផ្លូវលេខ ៣៧១ សម្រាប់ដោះស្រាយទឹកលិចនៅផ្លូវលេខ ២០០៤ ស ឡា តំបន់ខាងកើតព្រលានយន្តហោះ ខណ្ឌសែន សុខ និងខណ្ឌពោធិ៍សែនជ័យ ។

សូមរំលឹកថា បន្ទាប់ពីក្រុមយុវជនមួយក្រុមបានបង្កើតយុទ្ធនាការប្រមូលសំរាមដោយស្ម័គ្រចិត្តតាមប្រឡាយលូបង្ហូរទឹកធំធំក្នុងរាជធានីភ្នំពេញគេសង្កេតឃើញថា ទីសាធាណៈការរាជធានីភ្នំពេញក៏បានបង្ហាញអំពីសកម្មភាពរបស់ខ្លួនអំពីការស្ដារសំរាមនិងភួក ក៏ដូចជាការប្រមូលសំរាមនិងសំអាតបរិស្ថាននៅតាមប្រឡាយធំធំមួយចំនួនដូចជា ប្រឡាយស្ទឹងមានជ័យ ,ប្រឡាយបឹងត្របែក,ប្រឡាយបឹងសាឡាង ជាដើមដោយប្រមូលដឹកចេញទៅចាក់ចោលនៅទីលានចាក់សំរាមខណ្ឌដង្កោ៕


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation