រយៈពេល៣ថ្ងៃនៃពិធីបុណ្យភ្ជុំបិណ្ឌ ខេត្តកំពង់ឆ្នាំង ទទួលបានភ្ញៀវទេសចរណ៍ជាង១០ម៉ឺននាក់
| ព័ត៌មានជាតិ
SHARE

កំពង់ឆ្នាំង ៖ រយៈពេល៣ថ្ងៃនៃពិធីបុណ្យភ្ជុំបិណ្ឌប្រពៃណីជាតិខ្មែរ ពោលគឺថ្ងៃទី ២៧,២៨ និង ២៩ ខែកញ្ញា មានភ្ញៀវទេសចរណ៍ជាង ១០ម៉ឺននាក់ បានមកលេងកម្សាន្តនៅតាមតំបន់ទេសចរណ៍និងរមណីយដ្ឋាននានានៅក្នុងខេត្តកំពង់
ឆ្នាំង។ នេះបើតាមការបញ្ជាក់របស់លោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំងនៅល្ងាចថ្ងៃទី២៩ ខែកញ្ញា ឆ្នាំ
២០១៩នេះ។


លោក សេង សាលីបន្ថែមថា ក្នុងចំណោមភ្ញៀវទេសចរណ៍ជាង១០ម៉ឺននាក់ មានភ្ញៀវទេសចរណ៍អន្តរជាតិ២២១នាក់ ។ ជាមួយគ្នានោះអាជ្ញាធរដែនដី សមត្ថកិច្ចគ្រប់លំដាប់ថ្នាក់ ក៏បានសហការយ៉ាងល្អជាមួយមន្ទីរទេសចរណ៍ខេត្ត ដើម្បីធានាសុវត្ថិភាព សន្តិសុខ ជូនភ្ញៀវទេសចរណ៍បានល្អប្រសើរផងដែរ។


លោកប្រធានមន្ទីរ បន្តទៀតថា ចំពោះមូលហេតុដែលធ្វើអោយខេត្តកំពង់ឆ្នាំងក្លាយជាខេត្តគោលដៅដែលសក្តានុពលទេសចរណ៍ នារដូវបុណ្យភ្ជុំបិណ្ឌនេះ ដោយសារខេត្តកំពង់ឆ្នាំង មានការអភិវឌ្ឍន៍ ប្រែក្លាយមុខមាត់ថ្មីរីកចំរើនយ៉ាងឆាប់រហ័ស ជាពិសេសផ្លូវធ្វើដំណើរដែលបានតភ្ជាប់ពីទីរួមខេត្តទៅកាន់តំបន់រមណីយដ្ឋានទេសចរណ៍ក្នុងខេត្ត ដែលបង្ករភាពងាយស្រួយដល់ភ្ញៀវទេសចរណ៍ ក្នុងការធ្វើដំណើរ។ ក្រៅនោះក៏មានការរួមចំណែកពីភាពល្អប្រសើរនៃសន្តិសុខ សុវត្តិភាព និងសន្តិភាព ដែលជាកត្តាចម្បងផងដែរ។


គួរបញ្ជាក់ថា តំបន់ទេសចរណ៍នៅក្នុងខេត្តកំពង់ឆ្នាំង ដែលមានភ្ញៀវទេសចរណ៍ ទៅលេងច្រើនជាងគេ រួមានមាន ទំនប់ស្ទាក់ទឹកស្ទឹងគង្គា ទឹកធ្លាក់អន្លង់ស្វាយ ទឹកធ្លាក់ថ្មក្រាល ទឹកធ្លាក់ស្រែអំពិល ស្ថិតក្នុងស្រុកទឹកផុស ទំនប់២០ឧសភា ស្ថិតក្នុងស្រុករលាប្អៀរ ទំនប់ស្ទាក់ទឹកអាចាំង តំបន់ខ្សាច់ស ស្ថិតក្នុងស្រុកបរិបូណ៌ និង មាត់ទន្លេផ្សារក្រោម ស្ថិតក្នុងក្រុងកំពង់ឆ្នាំង ៕ដោយ៖ហ៊ឹង ចូច


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation