កម្ពុជា-ថៃបើកយុទ្ធនាការរួមគ្នាសំអាតមាត់ច្រកទ្វារអន្តរជាតិប៉ោយប៉ែត
| ព័ត៌មានជាតិ
SHARE

បន្ទាយមានជ័យ ៖ អាជ្ញាធរក្រុងប៉ោយប៉ែតខេត្តបន្ទាយមានជ័យនិងអាជ្ញាធរខេត្តស្រះកែវនៃប្រទេសថៃបានបើកយុទ្ធនាការរួមគ្នា ដើម្បីសំអាតបរិស្ថានជុំវិញមាត់ច្រកទ្វារអន្តរជាតិប៉ោយប៉ែត។
យុទ្ធនាការនេះធ្វើឡើងដើម្បីអបអរសាទរទិវាជាតិទីក្រុងស្អាតលើកទី៧ ឆ្នាំ២០១៩ក្រោមប្រធានបទ "ទីក្រុងស្អាត ទីក្រុងផ្តល់ភាពកក់ក្តៅ " ដែលប្រព្រឹត្តិនៅព្រឹកថ្ងៃទី២០ខែកុម្ភះឆ្នាំ២០១៩ ដោយមានការ ចូលរួមពីគ្រប់ស្ថាប័ន អង្គភាពពាក់ពន្ធ័ កងកម្លាំងប្រដាប់អាវុធនិងអង្គភាពនគរបាលអន្តោប្រវេសន៍ច្រកទ្វារទៀតផង ។

លោក សាន ស៊ានហូ អភិបាលក្រុងប៉ោយប៉ែតបានមានប្រសាសន៍ថា:នៅក្នុងយុទ្ធនាការនេះគឺមានអ្នកចូលរួម ចំនួន ៣០០០នាក់ ដែលមកពីគ្រប់ស្ថាប័នពាក់ពន្ធ័ភាគីកម្ពុជា១៥០០នាក់និងភាគីថៃ១៥០០នាក់។លោកបន្តថា:យុទ្ធនាការនេះដែរធ្វើឡើងគឺដើម្បីលើកកម្ពស់អនាម័យ បរិស្ថាន នៅចំណុចច្រកទ្វារអន្តរជាតិប៉ោយប៉ែតអោយមានលក្ខណៈល្អប្រសើរនិងស្អាតទាំងសងខាង។ ហើយមួយវិញទៀតគឺដើម្បីលើកមុខមាត់ប្រទេសជាតិយើងអោយមានសោភ័ណភាពល្អប្រសើរ អោយសមជាច្រកអន្តរជាតិ ដែលមានភ្ញៀវចេញចូលក្នុងមួយថ្ងៃៗរាប់ម៉ឺននាក់។លោកបញ្ជាក់ថាសម្រាប់យុទ្ធនាការគឺអ្នកចូលរួមត្រូវចាប់ផ្តើមពីចំនុចក្បាលស្ពាន ក្រោមស្ពាននៃច្រកទ្វាររហូតដល់ទីរួមក្រុងដោយក្នុងនោះមានការបាញ់ទឹកសំអាតផ្លូវ រើសសម្រាម បោសសំអាតជាដើម។

លោក សាន ស៊ានហូ ក៏បានបន្តផងដែរថាបងប្អូនប្រជាពលគ្រប់រូបគឺជាម្ចាស់នៃភាពស្អាតនិងភាពបៃតងនៃទីក្រុងនិង មូលដ្ឋាន របស់ខ្លួនដូច្នេះទោះបីមានការចូលរួមសំអាតពីអាជ្ញាធរ មហាជន ហើយបើយើងម្នាក់ៗមិនចូលរួមទេនោះសំម្រាមគឺនៅតែមាន មិនអស់នោះទេ។យើងគួរទុកដាក់វាអោយត្រឹមត្រូវជៀសវាងបោះចោលផ្តេសផ្តាស់នៅពេលដែលយើងញ៉ាំនិងវេចខ្ចប់រួចរាល់។យើងត្រូវបំផុសស្មារតីចេះស្រឡាញ់បរិស្ថានចេញពីបេះដូងរៀងៗខ្លួន៕អត្ថបទ៖ប៊ុន ចាន់ថន


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation