សន្និសីទកំពូលរដ្ឋាភិបាលពិភពលោកចាប់ផ្តើមដំណើរការនៅក្នុងទីក្រុងឌូបៃ (Dubai) ប្រទេសអេមីរ៉ាតអារ៉ាប់រួម
| ព័ត៌មានអន្តរជាតិ
SHARE

សម័យប្រជុំលើកទី៧នៃសន្និសីទកំពូលរដ្ឋាភិបាលពិភពលោកបានចាប់ផ្តើមដំណើរការនៅទីក្រុងឌូបៃ (Dubai) ប្រទេសអេមីរ៉ាតអារ៉ាប់រួមកាលពីថ្ងៃអាទិត្យ ដោយមានការចូលរួមពីគណៈប្រតិភូជាង៤ពាន់នាក់ដែលតំណាងឲ្យប្រទេស, តំបន់ និងអង្គការអន្តរជាតិចំនួន១៤០។

សន្និសីទកំពូលនេះនឹងផ្តោតសំខាន់ទៅលើការប្រែប្រួលអាកាសធាតុ, ការធ្វើឲ្យល្អប្រសើរឡើងនូវអភិបាលកិច្ចសកល, ការអនុវត្តកម្មវិធីAI និងរបៀបដែលវិទ្យសាស្ត្រនិងបច្ចេកវិជ្ជាផ្លាស់ប្តូរអនាគតមនុស្សជាតិ ក្នុងគោលបំណងគិតទុកជាមុននូវទិសដៅដើម្បីអភិវឌ្ឍនៅក្នុងផ្នែកផ្សេងៗនៃសង្គមមនុស្ស និងខិតខំពង្រឹងសុខុមាលភាពប្រជាជន។

សន្និសីទកំពូលនេះបានចាប់ផ្តើមជាមួយនឹងការថ្លែងសុន្ទរកថាដោយរដ្ឋមន្ត្រីខុទ្ទកាល័យរបស់ប្រទេសអេមីរ៉ាតអារ៉ាប់រួម រួមជាមួយនិងលោក ខ្លូស ស្យ្វាប់ (Klaus Schwab) ស្ថាបនិក និងជានាយកប្រតិបត្តិវេទិកាសេដ្ឋកិច្ចពិភពលោក។

ក្នុងឱកាសនោះ លោក ខ្លូស ស្យ្វាប់ (Klaus Schwab) បាននិយាយថា ការផ្លាស់ប្តូរយ៉ាងឆាប់រហ័សនិងស្មុគ្រស្មាញដែលពោរពេញទៅដោយភាពមិនច្បាស់លាស់ដែលត្រូវបាននាំមកដោយបដិវត្តន៍ឧស្សាហកម្មជំនាន់ទី៤បានធ្វើឲ្យមានភាពចាំបាច់ដើម្បីកសាងទំនុកចិត្តនៅក្នុងប្រព័ន្ធសកលមួយ។ ហើយលោកក៏បានអំពាវនាវឲ្យមានសកលភាវូបនីយកម្មដែលរួមបញ្ចូលគ្នានិងប្រកបដោយនិរន្តភាពដើម្បីដោះស្រាយហានិភ័យ និងបញ្ហាប្រឈម។

គួរបញ្ជាក់ថា សន្និសីទកំពូលរដ្ឋាភិបាលពិភពលោករយៈពេល៣ថ្ងៃនេះនឹងមានការរៀបចំវេទិកាចំនួន១៦ និងសិក្ខាសាលាចំនួន២រយ៕


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation