មូលនិធិហោណាំហុង-បូរី ហោ បន្តជួយដល់កុមារពិការកំព្រានៅបុរីទារកនិងកុមារជាតិ
| ព័ត៌មានជាតិ
SHARE

ភ្នំពេញ៖ នៅថ្ងៃទី១១ខែកុម្ភៈនេះ ឯកឧត្តម ឧប នាយករដ្ឋមន្ត្រី ហោ ណាំហុង និងលោកជំទាវ បាននាំមូលនិធិជួយដល់កុមារពិការនិងមានជំងឺផ្សេងៗនៅបុរីទារកនិងកុមារជាតិនៃក្រសួងសង្គមកិច្ច អតីតយុទ្ធជន និងយុវនីតិសម្បទា។

យោងតាមរបាយការណ៍នាយិកាគ្រប់គ្រងបុរីទារកនិងកុមារជាតិបានឲ្យដឹងថា បុរីទារកនិងកុមារជាតិនេះ បានបង្កើតឡើងតាំងពីឆ្នាំ១៩៨០ ហើយបានប្តូរទីតាំងមកនៅកន្លែងថ្មីនេះកាលពីឆ្នាំ២០០៨ និងមានបុគ្គលិកបម្រើការចំនួន៧២នាក់, មានកុមារពិការសរុបចំនួន១៤០នាក់។

នាឱកាសនោះដែរ ឯកឧត្តម ឧបនាយករដ្ឋមន្ត្រីហោណាំហុង មានប្រសាសន៍លើកឡើងថា នេះមិនមែនលើកទី១នោះទេ ដែលឯកឧត្តមបានមកជួយកុមារពិការនិងមានជម្ងឺផ្សេងៗ នៅបុរីទារកនិងកុមារជាតិនេះ។ដោយការអាណិតអាសូរខ្លាំងចំពោះកុមារដ៏អភ័ព្វ ដែលជាកុមារកំព្រានិងពិការដែលត្រូវបាន ឪពុកម្តាយបោះបង់ចោល។ឯកឧត្តម ឧបនាយករដ្ឋមន្ត្រីហោ ណាំហុង មានប្រសាសន៍បន្តទៀតថា ប៉ុន្តែកន្លងមកទោះជាមានមនោសញ្ចេតនាជ្រាលជ្រៅយ៉ាងណាក៏ដោយ ក៏ឯកឧត្តមពុំបានជួយឧបត្ថម្ភទៀងទាត់ដល់បុរីទារកនិងកុមារជាតិនោះទេ។ឯកឧត្តម ឧបនាយករដ្ឋមន្ត្រីបានបញ្ជាក់ទៀតថា ដូច្នេះហើយទើបឯកឧត្តមនិងក្រុមគ្រួសារ បាន សម្រេចរួមគ្នាបង្កើតជា"មូលនិធិហោ ណាំហុង-បូរី ហោ"ដើម្បីប្រមូលធនធានទាំងអស់គ្នាជួយបុរីទារកនិងកុមារជាតិនេះ ដោយសង្ឃឹមថា ការឧបត្ថម្ភតិចតួចនេះនឹងទៀងទាត់រាល់ឆ្នាំ ដែលអាចជួយសម្រួលកុមារពិការនិងកំព្រាទាំងអស់បានខ្លះដែរ។ក្រៅពីការឧបត្ថម្ភថ្ងៃនេះ"មូលនិធិហោ ណាំហុង-បូរី ហោ" អាចនឹងខិតខំរកមធ្យោ បាយបន្ថែមទៀតក្នុងពេលឆាប់នេះ ដើម្បីជួយ ឧបត្ថម្ភកុមារពិការឬជនពិការនៅកន្លែងផ្សេងទៀត។

"មូលនិធិហោ ណាំហុង-បូរី ហោ"គឺជាការចូលរួមចំណែក តិចតួច ក្នុងវិស័យសង្គមកិច្ច របស់រាជរដ្ឋាភិបាលពិសេសការផ្តល់ជំនួយដ៏ធំធេង របស់ សម្តេចអគ្គមហាសេនាបតីតេជោនិងសម្តេចកិត្តិ ព្រឹទ្ធបណ្ឌិត ដល់ជនពិការ និងកុមារពិការផ្សេង ទៀតនៅទូទាំងប្រទេស៕អត្ថបទ៖វងសុភ័ក្ត្រ 


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation