ពិធីចាប់ត្រីតាមបែបបុរាណ ធ្វើនៅស្រុកមេមត់ មានការចូលរួមពីពលរដ្ឋយ៉ាងច្រើនកុះករ
| ព័ត៌មានជាតិ
SHARE

ត្បូងឃ្មុំ៖ ពិធីចាប់ត្រីដោយប្រើឧបករណ៍បុរាណ មាន អង្រុត ឈ្នាង ឆ្នក់ ជាដើមត្រូវបានរៀបចំធ្វើនៅបឹងក្រម ស្ថិតក្នុងភូមិសាទុំ ឃុំជាំក្រវៀន ស្រុកមេមត់ ខេត្តត្បូងឃ្មុំ ដោយមានការចូលរួមពីសំ ណាក់ប្រជាពលរដ្ឋ និងមន្រ្តីរាជការប្រមាណ ១ម៉ឺននាក់។

ឯកឧត្តម ជាម ចន្ទសោភណ្ឌ អភិបាលខេត្តត្បូងឃ្មុំ និងលោក ជំទាវ ដែលចូលរួម ចុះចាប់ត្រីដែរនោះ បានលើកឡើងថា កម្មវិធី នេះពិតជាសប្បាយ រីករាយនិងបានបង្ហាញពីការស្រឡាញ់រាបអាន គ្នារបស់បងប្អូន ប្រជាពលរដ្ឋពីគ្រប់ ទិសទីដែលជាមហាគ្រួសារខ្មែរ រស់នៅក្រោមដំបូលសន្តិភាព។ ឯកឧត្តមបន្តថា បន្ទាប់ពីកម្មវិធី ឆ្នាំនេះចប់និង ឲ្យមន្រ្តីជំនាញទិញ កូនត្រីគ្រប់ប្រភេទមកលែង បន្ថែម ដើម្បីនៅឆ្នាំក្រោយយើងសម្បូរត្រីជាងនេះ ហើយប្រជា ពលរដ្ឋដែលចូលរួមចាប់ គាត់អាចចាប់បានត្រីច្រើនមកធ្វើម្ហូប។

បើតាមប្រជាពលរដ្ឋដែលមកចាប់ត្រី និងកម្សាន្តបានលើក ឡើងថាពួកគាត់ពិតជាប្បាយរីករាយ និងចង់ឲ្យកានកម្មវិធីនេះ ជារៀងរាល់ឆ្នាំព្រោះវាបង្ហាញពីការសាមគ្គីរបស់ប្រជាពលរដ្ឋគ្រប់ ស្រទាប់វណ្ណៈ។ ជាមួយគ្នានោះតំណាងអ្នករៀបចំកម្មវិធីខាងលើបានឲ្យដឹងថា ឆ្នាំនេះគឺមានអ្នកចូករួមច្រើនជាងឆ្នាំមុនៗ ហើយអ្វីដែលពិសេសគឺ ឯកឧត្តមអភិបាលខេត្ត និងមន្រ្តីរាជការមួយចំនួនបានចូលរួម ចុះចាប់ត្រីដែរដែលនេះបង្ហាញពីការយកចិត្តទុកដាក់របស់ថ្នាក់ដឹក នាំមកលើប្រជាជន។

លោក អ៊ូច យឿន មេឃុំជាំក្រវៀន បានរៀបរាប់ឲ្យដឹងថា ឆ្នាំនេះពិតជាអ៊ូអរជាងឆ្នាំមុនៗដោយសារមានអ្នកចូលរួមច្រើន មកពីគ្រប់ទិសទី និងខេត្តផ្សេងក៏មាន ដែលនេះបង្ហាញពីការ ស្រលាញ់រាប់អានគ្នា និងការរក្សានូវទំនៀម ទម្លាប់បុរាណ របស់យើង។

សូមជម្រាបថាបឹងក្រមដែលជាទីតាំងរៀបចំកម្មវិធីចាប់ត្រីតាម បែបបុរាណនេះគឺមានទីតាំងនៅភូមិសាទុំ ឃុំជាំក្រវៀន ស្រុកមេមត់ ខេត្តត្បូងឃ្មុំ ខណៈបើបងប្អូនប្រជាពលរដ្ឋចង់អញ្ជើញមកចូលរួម នៅឆ្នាំក្រោយៗទៀតគឺអាចធ្វើដំណើរមកស្រុកមេមត់ ចូលតាមផ្លូវ ច្រកព្រំដែនទន្លេចាម ចម្ងាយប្រមាណជាង១០គីឡូម៉ែត្រ ។ ក្រៅបឹងធម្មជាតិសម្រាប់ចាប់ត្រីក៏នៅមានកន្លែងកម្សាន្តជាច្រើនទៀតដូចជា ទស្សនាថ្មតាជ្រូក ដីពណ៌ឈាម ក្បាលតាជក់ តាព្រាម កន្លែងឡស្រា និងស្រះទឹកនាងឡើមជាដើម៕ដោយ ៖ ជីង សេងឡុង


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation