ខ្ទឹមក្រហមខ្មែរមានហាងឆេងល្អ ប៉ុន្តែកសិករមិននិយមដាំដុះណាស់ណាទេ
| ព័ត៌មានជាតិ
SHARE

កំពង់ចាម៖ ស្ថិតនៅមិនឆ្ងាយពីទីប្រជុំជននៃឃុំគៀនជ្រៃ ក្នុងស្រុកកំពង់សៀម ខេត្តកំពង់ចាម មានបងប្អូនប្រជាពលរដ្ឋ ១គ្រួសារ បាននឹងកំពុងដាំដុះ ក៏ដូចជាប្រមូលផលប្រភេទ ខ្ទឹមក្រហមខ្មែរ ដែលប្រភេទដំណាំខ្ទឹមក្រហមខ្មែរមួយនេះ គឺគេកម្រឃើញមាន ប្រជាកសិករដាំដុះនោះទេ។

 បើតាមប្រជាពលរដ្ឋមួយចំនួនក្នុងខេត្តកំពង់ចាមដែលនិយមចូលចិត្តទទួលទានប្រភេទខ្ទឹមក្រហមបានលើកឡើងថា កន្លងមកធ្លាប់តែទទួលទានខ្ទឹមក្រហមដែលនាំចូលពីក្រៅប្រទេស ហើយប្រសិនបើមានឃើញប្រភេទខ្ទឹមក្រហមខ្មែរ ដាក់លក់នៅលើទីផ្សារគឺពួកគាត់រីករាយនិងទិញទុកទទួលទាន បើទោះបីខ្ទឹមក្រហមខ្មែរនេះ មានតំលៃថ្លៃជាងខ្ទឹមក្រហម ដែលនាំចូលពីក្រៅប្រទេសក៏ដោយ។ ខ្ទឹមក្រហមខ្មែរដែលដាក់លក់លើទីផ្សារមានតម្លៃចន្លោះពី១២០០០រៀល ទៅ១៥០០០រៀល ក្នុង១គីឡូក្រាម ។

ដោយឡែកបើតាមប្រជាកសិករដាំខ្ទឹមក្រហមខ្មែរក្នុងភូមិគៀនជ្រៃ ឃុំគៀនជ្រៃ ស្រុកកំពង់សៀមបានលើកឡើងថា គាត់បានដាំខ្ទឹមនេះ នៅក្នុងរយៈពេល ៣ទៅ ៤ឆ្នាំចុងក្រោយនេះ ដោយដាំជាថ្នាលៗនៅដីចំការក្រោយផ្ទះ ដោយក្នុង១ថ្នាល ទទួលផលបានប្រមាណ១០០គីឡូក្រាម។ប្រជាកសិករដដែលបន្តទៀតថា ក្រោយពីការប្រមូលផល គឺគាត់យកទៅដាក់លក់នៅ មុខផ្ទះដោយលក់ក្នុងតំលៃ៥ពាន់រៀលក្នុង១គីឡូក្រាម ដោយឡែកក្រៅពីការលក់ គឺគាត់រក្សាទុកពូជប្រមាណ១០០គីឡូក្រាម ដើម្បីទុកធ្វើការដាំដុះនៅឆ្នាំក្រោយបន្តទៀត។

បើតាមការស្រាវជ្រាវខ្ទឹមក្រហម ពិតជាមានប្រយោជន៍ក្នុងការជួយព្យាបាលបញ្ហាមុខកើតមុន ស្នាមអុចខ្មៅ ជំងឺស្ទះសរសៃឈាម បំបាត់ផ្តាសាយ តឹងច្រមុះ ហៀរសំបោរ។ មិនតែប៉ុណ្ណោះ ខ្ទឹមក្រហមអាចធ្វើឲ្យរាងកាយ កក់ក្តៅ ជំរុញឲ្យពិសារបាយបាន ,បំប៉នឈាម ,ការចងចាំ , បេះដូង , សម្រួលចលនាឈាមរត់ , បញ្ចុះសារធាតុខ្លាញ់ក្នងឈាមជាដើម៕អត្ថបទ៖ហ៊ាង ថាច 


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation