អាជ្ញាធរក្រុងប៉ោយប៉ែតប្រើធម៌ក្តៅលើអ្នករំលោភយកចំណីផ្លូវ
| ព័ត៌មានជាតិ
SHARE

ប៉ោយប៉ែត៖ អភិបាលក្រុងប៉ោយប៉ែតដឹកនាំកម្លាំងចម្រុះចុះរុះរើសំយ៉ាប ដែលរំលោភចំណីផ្លូវនៅបរិវេណ ផ្សារត្រីនិងផ្សារថ្មីប៉ោយប៉ែត។

លោក សាន ស៊ានហូ អភិបាល នៃ គណៈអភិបាលក្រុងប៉ោយប៉ែត ដឹកនាំមន្ត្រីជំនាញ រួម និង សមត្ថកិច្ចចម្រុះ មេ ភូមិ សង្កាត់ ប្រជាការពារ ចុះមកកាត់សំយ៉ាប នៅជុំវិញ ផ្សារអគ្គថ្មីប៉ោយប៉ែត និង ផ្សារត្រី នៅវេលាម៉ោង០៨ និង៣០នាទី ក្នុងថ្ងៃទី៣០ ខែមករា ឆ្នាំ២០១៩ ដែលស្ថិតក្នុងភូមិបាលិលេយ្យ១ សង្កាត់និងក្រុងប៉ោយប៉ែត ខេត្តបន្ទាយមានជ័យ។ ក្នុងការរៀបចំសណ្តាប់ធ្នាប់ខាងលើនេះ ដោយមាន សេចក្តីជូនដំណឹង លេខ០៦៨ ចុះថ្ងៃទី១២ ខែវិច្ឆិការ ឆ្នាំ២០១៨ របស់រដ្ឋបាលក្រុងប៉ោយប៉ែត។ លុះដល់ ថ្ងៃខែឆ្នាំ ខាងលើនេះ លោក សាន ស៊ានហូ អភិបាលក្រុងប៉ោយប៉ែត ចុះមកអនុវត្ត រៀបចំសណ្តប់ធ្នាប់ និង កាត់សំយ៉ាប ដែលសាង សង់ រំលោភចំណីផ្លូវ សាធារណ: នៅជុំវិញផ្សារថ្មី ប៉ោយប៉ែត (ផ្សារអគ្គ) និង ផ្សារត្រី ស្ថិតនៅភូមិ សង្កាត់ខាងលើនេះ។

លោក សាន ស៊ានហូ អភិបាលក្រុងប៉ោយប៉ែត បានឱ្យដឹងថា ចំពោះផ្ទះដែល នៅខាងជើងជាប់ផ្សារត្រី ត្រូវរុះរើ ខាងមុខឱ្យថយក្រោយស្មើនឹងបង្គោលភ្លើង ហើយនិងខាងកើតផ្សារ និង បរិវេណផ្សារត្រីទាំងមូល ត្រូវថយក្រោយ និង ឱ្យម្ចាស់ផ្ទះ ធ្វើកិច្ចសន្យាបញ្ឈប់ការយកចំណីផ្លូវ ជួលឱ្យបងប្អូន លក់បន្តទៀត បើសិនថយក្រោយបាន ។ លោកបានបន្តទៀតថា៖ ចំពោះផ្សារថ្មីប៉ោយប៉ែត ត្រូវថយក្រោយ និងកាត់សំយ៉ាប ដែល ប៉ះពាល់ផ្លូវសាធារណៈ មានការកកស្ទះ រាល់ពេលកន្លងមក ឱ្យមានការចត នៅលើទ្រូងផ្លូវ ដើម្បីឱ្យបងប្អូន ប្រជាពលរដ្ឋងាយស្រួល ក្នុងការធ្វើដំណើរទៅមក។

លោកបានបញ្ជាក់បន្ថែមទៀតថា៖ ក្នុងនាមលោក ជាអភិបាលក្រុង មិនមែនដាក់បន្ទុក លើពលរដ្ឋនោះទេ លោកបានទុកឱកាស ចូលឆ្នាំចិនរួច និងអនុវត្តបន្ត បើ សិនជា បងប្អូន មិនចូលរួមតាមសំណើរបស់រដ្ឋបាល ក្រុងនោះទេ លោកនឹងមានវិធានការថ្មី សម្រាប់ធ្វើការងារខាងលើនេះ ។ ក្នុងគោលបំណង របស់លោកចង់ឱ្យបងប្អូន មានភាពងាយស្រួល ក្នុងការធ្វើដំណើរ និង បញ្ចៀសនូវ ហានិភ័យផ្សេងៗ ដែលបានកើតឡើងនាពេលកន្លងទៅនេះ ដ៏រាបណាបងប្អូនប្រជាពលរដ្ឋ និង អាជីវករ ចូលរួមទាំងអស់គ្នា៕


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation