ខ្សឹបដាក់មេក្រូ៖ រថយន្តយីឌុប របស់មេឈ្មួញ តាសក់ស ត្រូវកកស្ទះខណៈថៅកែឈើនៅ ក្រុមហ៊ុនចិននៅត្រពាំងស្រែឈ្លោះគ្នា មិនទទួលទិញ
| ព័ត៌មានជាតិ
SHARE

មណ្ឌលគិរី៖ តាដានី( ហៅតាសក់ស) ជាថៅកែឈើដុះស្លែ នៅក្នុងក្រុមហ៊ុនលឹមរ៉ូយ៉ាល់គ្រុប បានត្រូវលោកប្រធានមន្ទីរកសិកម្មខេត្តមណ្ឌលគិរីព្រមានធ្ងន់ៗ ក្នុងការដឹកជញ្ជូនឈើយកមកកកស្ទះបង្កបញ្ហាដល់ម្ត្រីជំនាញ ទោះបីឈើនេះស្របច្បាប់ក៏ដោយ តែវាជារូបភាពមួយមិនល្អសម្រាប់ជំនាញ។

បើយោងតាមប្រភពច្បាស់ការណ៍មួយបានបង្ហើបប្រាប់ថា រថយន្តយីឌុបជាច្រើនគ្រឿងដឹកឈើយកមករក្សាទុកនៅដេអេឃុំពូជ្រៃស្រុកពេជ្រាដានេះគឺជារបស់ តាដានី(ហៅតាសក់ស)ដែលដឹកចេញពីក្រុមហ៊ុនលឹមរ៉ូយ៉ាល់គ្រុប យកមកត្រពាំងស្រែឲ្យក្រុមហ៊ុនចិន តែចៃដន្យ ក្រុមហ៊ុននេះត្រូវប្តូរថៅកែ មិនអាចដឹកចូលបាន ទើបឈើនេះត្រូវកកស្ទះមិនបានដឹកមករួចឈប់ចតនៅទឹកដីពេជ្រាដា ឆ្ពោះមកពីដែនដីស្រុកកោះញែកចាប់ពីថ្ងៃ២៧មករា រហូតដល់ថ្ងៃ២៩មករា២០១៩នេះ។

ប្រភពដដែលបានបញ្ជាក់ថា ឈើទាំងនេះគេស្របច្បាប់តាមលក្ខណៈប៉េសេត្រឹមត្រូវ ដែលមានការពិនិត្យច្បាស់លាស់ពីមន្ត្រីជំនាញ។ ប៉ុន្តែបើយោងតាមលក្ខណៈបច្ចេកទេសនៃច្បាប់ ប៉េសេគឺមានសពុលភាពរយៈពេលខ្លីគឺ១ថ្ងៃទៅ២ថ្ងៃ ព្រោះខ្លាចកន្ទេលធំបន្លំដឹក។

សូមបញ្ជាក់ថាតាដានី ( ហៅតាសក់ស) រូបនេះគឺជាមេឈ្មួញល្បីជាង១០ឆ្នាំមកហើយ ដែលប្រកបមុខរបរដឹកជញ្ជូនឈើតាមក្រុមហ៊ុនស្របច្បាប់ គឹកន្ទេលធំបន្លំដឹក ក្នុងទឹកដីស្រុកកោះញែក។ បច្ចុន្ន រថយន្តដឹកឈើលាក់ខ្លួននៅតំបន់វាយថ្មដេអេ នាថ្ងៃ២៩ មករា២០១៩៕


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation