ធនាគារជាតិនៃកម្ពុជាផ្អាកប្រតិបត្តិការរបស់ឥណទានជនបទ ៤ទៀត
| ព័ត៌មានជាតិ
SHARE

ភ្នំពេញ៖ ផ្អែកតាមសេចក្តីជូនដំណឹង ចុះថ្ងៃទី០៩ខែមករា ធនាគារជាតិនៃកម្ពុជា បានដកហូតវិញ្ញាបនបត្របញ្ជាក់ការចុះបញ្ជី របស់គ្រឹះស្ថានឥណទានជនបទ (ប្រតិបត្តិករឥណទានជនបទ) ចំនួន៤ ដោយមិនបានបញ្ជាក់មូលហេតុច្បាស់លាស់ជុំវិញការ បញ្ឈប់ប្រតិបត្តិការរបស់ឥណទានជនបទទាំងនោះទេ។


ប្រតិបត្តិករឥណទានជនបទចំនួន៤ថ្មីនេះ រួមមាន៖១. និវត្តន៍ ហ្វាយនែន ២. សកល ហិរញ្ញវត្ថុ ៣. អង្គការ រូបិយបណ្ណខ្មែរ (ខេ.អឹម) និង ៤. ស៊ីស៊ីហ្វាយនែន
ធនាគារជាតិនៃកម្ពុជា បានជូនដំណឹងដល់សាធារណជននិងអាជ្ញាធរមានសមត្ថកិច្ចពាក់ព័ន្ធ។

ការបញ្ចប់ប្រតិបត្តិករនេះ ត្រូវបានធ្វើឡើងក្នុងរយៈពេល១ត្រីមាស បន្ទាប់ពីធនាគាជាតិដកអាជ្ញាបណ្ណពីគ្រឹះស្ថានឥណទាន និងអាជីវកម្មប្ដូរប្រាក់ចំនួន៩ កាលពីខែកញ្ញាឆ្នាំ២០១៨។

កាលពីខែកញ្ញាឆ្នាំ២០១៨ ធនាគារជាតិបានដកហូតអាជ្ញាបណ្ណក្រុមហ៊ុនភតិសន្យាហិរញ្ញវត្ថុ លើក្រុមហ៊ុន ឡឺរ៉ូស៊េ ហ្វាយនែនសល លីស៊ីង ភីអិលស៊ី, រួមទាំងមោឃភាពវិញ្ញាបនបត្ររបស់គ្រឹះស្ថានឥណទានជនបទចំនួន ៥ មានដូចជា ចំរើន ចំរើន ហ្វាយនែន ម.ក, អេច អូ អ អេស ក្រេឌីត ម.ក, មិត្តភាព ហ្វាយនែន ម.ក, ហ្វ៊ែរ ឃែភីថល ម.ក, សូពន្លឺ ហ្វាយនែន ម.ក។

ធនាគារជាតិនៃកម្ពុជា ក៏ធ្លាប់បានព្រមានទៅគ្រប់គ្រឹះស្ថានធនាគារ និងហិរញ្ញវត្ថុ និងប្រតិបត្តិករឥណទានជនបទទាំងអស់ ដោយមិនតម្រូវឲ្យទទួលយកអត្តសញ្ញាណបណ្ណ ឬសៀវភៅគ្រួសារ ឬសៀវភៅស្នាក់នៅ សម្រាប់ធានាលើការផ្តល់ឥណទាន នឹងត្រូវទទួលរងទណ្ឌកម្មខាងវិន័យ និងឈានទៅដល់ការដកអាជ្ញាបណ្ណ បញ្ឈប់សកម្មភាពអាជីវកម្ម។

គិតត្រឹមចុងឆ្នាំ២០១៧ មានធនាគារពាណិជ្ជចំនួន៣៩ ធនាគារឯកទេសចំនួន១៥ គ្រឹះស្ថានមីក្រូហិរញ្ញវត្ថុទទួលប្រាក់បញ្ញើចំនួន ៧ គ្រឹះស្ថានមីក្រូហិរញ្ញវត្ថុចំនួន ៦៩ និង គ្រឹះស្ថានឥណទានជនបទចំនួន៣១៣ កំពុងប្រតិបត្តិផ្តល់សេវាហិរញ្ញវត្ថុនៅ ក្នុងទីផ្សារ កម្ពុជា៕ (អត្ថបទ៖ រ៉ាន់ រើយ)


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation