សិស្ស អនុវិទ្យាល័យ វិទ្យាល័យ ត្រូវបានទទួល ការផ្សព្វផ្សាយច្បាប់ចរាចរណ៍ ដើម្បីរក្សានូវ អាយុជីវិត
សិស្សានុសិស្សអនុវិទ្យាល័យចំការកៅស៊ូស្នួល បានទទួលការផ្សព្វផ្សាយអប់រំច្បាប់ចរាចរណ៍ផ្លូវគោកលេខ៤៤ អនក្របក នាព្រឹកថ្ងៃទី០៦ ធ្នូ ២០១៨ ស្ថិតភូមិក្បាលដ្នួលស្រុកស្នួលខេត្តក្រចេះ។
លោក កែវ ពិណូ អធិការរង ទទួលសណ្តាប់ធ្នាប់នៃអធិការដ្ឋាននគរបាលស្រុកស្នួល បានអោយដឹងថា ក្នុងការចុះផ្សព្វផ្សាយច្បាប់ចរាចរណ៍ផ្លូវគោក នេះ គឹគោលបំណងចង់អោយក្មួយៗសិស្សានុសិស្ស យល់ពីច្បាប់ចរាចរណ៍ គោរពច្បាប់ចរាចរណ៍ ព្រោះបច្ចុប្បន្ន ប្រទេសយើង កំពុងតែអភិវឌ្ឍន៍ នូវហេដ្ឋារេចនា សម្ព័ន្ដផ្លូវថ្នល់ខ្វាត់ខ្វែងតូចចក្រយានយន្ត រថយន្ត សម្បូរ គ្រួសារមានជីវភាពធូរធា ដូច្នេះក្មួយៗ ត្រូវ បើកបរត្រូវពាក់មួកសុវត្តិ ភាពការពារ ដាក់ខ្សែក្រវ៉ាត់ មិនត្រូវថ្វេសប្រហែស ដោយប្រការណារមួយនោះ ត្រូវស្រលាញ់អាយុជីវិតខ្លួនឯង និងសង្គមគ្រួសារ។
លោកអធិការរង បានបន្ថែមទៀតថា មិនតែប៉ុណ្ណោះ មន្ត្រីជំនាញបានចែកជូននូវ ច្បាប់ស្ដីពី អនុក្រិត្យលេខ ៤៤ អនក្របក .ដល់សិស្សបានចំនួន ៣៧៣ នាក់ ស្រី ១៨៨នាក់នៅ សាលារៀនអនុវិទ្យាល័យចំការកៅស៊ូ ក្នុងចំណោម អនុវីទ្យាល័យ ៦ និងវិទ្យាល័យ មួយ ក្នុងស្រុកស្នួល ដើម្បីអោយក្មួយៗឆាប់ចាំឆាប់ចេះនិងឆាប់យល់។
ក្នុងនោះផងដែរ លោក ហុង ជំនិត នាយកសាលា វិទ្យាល័យ បានថ្លែងអំណរគុណយ៉ាងជ្រាលជៅបំផុត ដល់កម្លាំងនគរបាលស្រុក អភិបាលនៃស្នួល ជាពិសេសលោក ឧត្ដមសេនីយ៍ទោ លន់ សុផាត ស្នងការនៃស្នងការដ្ឋាននគរបាលខេត្តក្រចេះ ដែលលោកតែងតែគិតគូរ និងយកចិត្តទុកដាក់សុខសុវត្តិភាព ដល់ក្មួយៗ សិស្សានុសិស្ស និង ជម្រុញអោយមន្ត្រីជំនាញ ផ្ដល់នូវការផ្សព្វផ្សាយ ច្បាប់ចរាចរណ៍ផ្លូវគោកក្នុង១ខែម្ដង ។ដោយ÷ នាង ចាន់ថា