អត្ថបទ៖ គិន ច័ន្ទពុទ្ធិ​

ភ្នំពេញ៖ ​ក្រសួងសាធារណការ និងដឹកជញ្ជូនបានឲ្យដឹងថា កម្មវិធីកាត់ពិន្ទុលើប័ណ្ណបើកបររបស់អ្នកល្មើសច្បាប់អាច​នឹងចាប់ផ្តើមអនុវត្ត​ចាប់ពីខែកញ្ញា ឆ្នាំ២០២២នេះ។ 

លោកស្រី កុយ សុដានី រដ្ឋលេខាធិការក្រសួងសាធារណការ និងដឹកជញ្ជូនបានថ្លែងប្រាប់សារព័ត៌មាននៅថ្ងៃទី២៨ ខែកក្កដានេះថា កម្មវិធីកាត់ពិន្ទុលើប័ណ្ណបើកបររបស់អ្នកល្មើសច្បាប់ដែលក្រសួងបានរៀបចំឡើងនោះ អាចនឹងចាប់ផ្តើមអនុវត្ត​ចាប់ពីខែកញ្ញា ឆ្នាំ២០២២ខាងមុខនេះ។

ជាមួយគ្នានេះដែរលោកស្រី កុយ សុដានី បានបញ្ជាក់ថាឯកសារសំខាន់ចំនួន៣ដែលអ្នកបើកបរត្រូវមានពេលបើកបរតាមដងផ្លូវមានដូចជា ​ប័ណ្ណសម្គាល់យានយន្ត  ប័ណ្ណបើកបរយានយន្ត និង វិញ្ញាបនបត្រត្រួតពិនិត្យលក្ខណបច្ចេកទេសយានយន្តឬឆៀក  ដែលឯកសារទាំង៣នេះ នឹងជួយបញ្ជាក់ដល់អ្នកបើកបរពីភាពត្រឹមត្រូវតាមច្បាប់៕