អត្រាកំណើននាំចេញពីកម្ពុជាទៅទីផ្សារអាមេរិកមានកម្រិតខ្ពស់បំផុតពុំធ្លាប់មាន១៨ឆ្នាំចុងក្រោយនេះ
| ព័ត៌មានជាតិ
SHARE

ការនាំចេញរបស់កម្ពុជាទៅកាន់ទីផ្សារសហរដ្ឋអាមេរិកនៅត្រីមាសទី១ឆ្នាំ២០១៨នេះ បានកើនឡើងខ្ពស់បំផុតពុំធ្លាប់មានក្នុងរយៈពេល១៨ឆ្នាំចុងក្រោយនេះ។

យោងតាមតួលេខការិយាល័យជំរឿនសហរដ្ឋអាមេរិក នៅត្រីមាសទី១ឆ្នាំ២០១៨នេះ ការនាំចេញរបស់កម្ពុជាទៅកាន់ទីផ្សារសហរដ្ឋអាមេរិកសម្រេចបានក្នុងអត្រាកំណើនដល់ទៅ២៥.៦២%ជាអត្រាកំណើនខ្ពស់បំផុតពុំធ្លាប់មានក្នុងរយៈពេល១៨ឆ្នាំចុងក្រោយនេះ។

យោងតាមតួលេខ រយៈពេល៣ខែដំបូងឆ្នាំនេះ ការនាំចេញពីកម្ពុជាទៅទីផ្សារអាមេរិកមានទឹកប្រាក់ចំនួនជិត៩០៤លានដុល្លារដោយបានកើនឡើងទឹកប្រាក់ពីចំនួនជាង៧១៩លានដុល្លារធៀបនឹងរយៈពេលដូចគ្នាកាលពីឆ្នាំ២០១៧កន្លងទៅ។

សហរដ្ឋអាមេរិកគឺជាទីផ្សារធំបំផុតលំដាប់ទី២សំរាប់កម្ពុជាបន្ទាប់ពីទីផ្សារសហគមន៏អឺរ៉ុប ក្នុងនោះសហរដ្ឋអាមេរិកបានស្រូបយក៣៥%នៃទំនិញសរុបដែលបាននាំចេញពីកម្ពុជា។
សូមបញ្ជាក់ថា ទំនិញដែលនាំចេញពីកម្ពុជាទៅទីផ្សារអាមេរិកភាគច្រើនលើសលុបជាផលិតផលវាយនភណ្ឌកាត់ដេរ និងស្បែកជើង។ ហើយការនាំចេញនេះដែរ គឺសំរេចបានក្នុងទឹកប្រាក់ជិត២៨៤៤លានដុល្លារកាលពីឆ្នាំមុនខណៈការនាំចូលគឺមានទឹកប្រាក់ចំនួនជាង៣២៨លានដុល្លារ៕

អត្ថបទ ៖ ចេង ឆហួត

Logo Brand Footer

CAMBODIAN
NEWS CHANNEL

Tel: (+855) 12 999 434 | Fax: (+855) 23 724 121
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation