អភិបាលខេត្តកំពង់ឆ្នាំងប្រាប់ពលរដ្ឋរងគ្រោះដោយទឹកជំនន់ត្រូវប្រុងប្រយ័ត្នចំពោះក្មេងតូចៗ និងត្រូវមានអនាម័យ
| ព័ត៌មានជាតិ
SHARE

កំពង់ឆ្នាំង៖ ប្រជាពលរដ្ឋរងគ្រោះដោយសារទឹកទន្លេឡើងលិចលំនៅដ្ឋាន ហើយត្រូវជម្លៀសមកនៅទីទួលសុវត្តិភាព ចំនួន៥៦គ្រួសារនៅភូមិ២ គឺភូមិត្រពាំងពោធិ និង ភូមិកំពង់អួរ ក្នុងឃុំខុនរ៉ង ស្រុកបរិបូរណ៍បានទទួលអំណោយពីគណៈ កម្មាធិការសាខាកាកបាទក្រហមកម្ពុជាខេត្តកំពង់ឆ្នាំង ។


អំណោយមនុស្សធម៌នេះត្រូវបានឯកឧត្តមឈួរ ច័ន្ទឌឿន អភិបាលខេត្តនិងប្រធានកិត្តិយសគណៈកម្មាធិការសាខា កាកបាទក្រហមកម្ពុជាខេត្តកំពង់ឆ្នាំង រួមនឹងមន្ត្រីមួយចំនួនទៀតនាំយកទៅចែកជូន កាលីព្រឹកថ្ងៃទី១៩ ខែកញ្ញា ឆ្នាំ២០១៨ ។


ឯកឧត្តមឈួរ ច័ន្ទឌឿន បានមានប្រសាសន៍ផ្តាំផ្ញើអោយប្រជាពលរដ្ឋទាំងត្រូវប្រុងប្រយ័ត្នចំពោះក្មេងតូចៗ និងត្រូវមានអនាម័យ គឺហូបស្អាត ផឹកស្អាតនិងរស់នៅស្អាតជានិច្ច។


ប្រជាពលរដ្ឋរងគ្រោះទាំង៥៦គ្រួសារ ក្នុងមួយគ្រួសារទទួល បានអង្ករចំនួន៣០គីឡូក្រាម មី១កេះ ត្រីខកំប៉ុង១យួរ និង ឃីតមួយកញ្ចប់មានក្រមា១ សារ៉ុង១ មុង១ ភួយ១ និង ថវិកាចំនួន២០ ០០០រៀល។
បន្ថែមពីលើនេះឯកឧត្តមកែវ ពៅ ដែលជាអនុប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ឆ្នាំង បានឧបត្ថម្ភថវិកាផ្ទាល់ខ្លួនក្នុងមួយគ្រសារចំនួន១០ពាន់រៀល៕ (អត្ថបទ៖ហ៊ឹង ចូច )


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation