អ្នកសង្កេតការណ៍អន្តរជាតិ ២១៣ នាក់ មកពី ៣២ អង្កការ/ប្រទេស និង ចូលរួមក្នុងការសង្កេតការណ៍បោះឆ្នោតនៅថ្ងៃទី ២៩ ខែកក្តដាខាងមុខននេះ
| ព័ត៌មានជាតិ
SHARE

មន្រី្តជាន់ខ្ពស់ គ.ជ.ប បានប្រាប់ CNC កាលពីព្រឹកមិញថា កាបោះឆ្នោតសកល ឆ្នាំ ២០១៨ ដែលប្រព្រឹត្តទៅ នៅថ្ងៃ អាទិត្យទី ២៩ ខែកក្តដា២០១៨ ខាងមុខនេះ នឹងមានអ្នក សង្កេតការអន្តរជាតិ ២១៣នាក់ មកពី៣២ អង្កការ/ ប្រទេស ក្នុងនោះមានស្រី្តចំនួន២៥នាក់ ។ ក្នុងចំណោមអ្នកសង្កេតការអន្តរជាតិទាំងនោះមួយចំនួនស្នាក់នៅក្នុងប្រទេសកម្ពុជាស្រាប់ មួយចំនួនទៀតបានធើ្វទំណើរមកដល់កម្ពុជា កាលពីថ្ងៃ ម្សិលមិញ និងថ្ងៃនេះ ហើយភាគច្រើននៅក្នុងចំនួននោះនឹងមកដល់កម្ពុជា នៅថ្ងៃសុក្រស្អែក ឬថ្ងៃសៅខានស្អែកនេះ។

ឆ្លើយតបនឹងសំនួរថា តើអ្នកសង្កេតការអន្តរជាតិនោះត្រូវបានគ.ជ.ប កំណត់អំពីរបៀប សង្កេតការយ៉ាងដូចម្តេចខ្លះ ?មន្រី្តគ.ជ.ប បានឆ្លើយតបថា យើងមានកាតព្វកិច្ចត្រឹមតែចេញប័ណ សំគាល់តាមការស្នើរសុំតែប៉ុណ្ណោះ យើងគ្មានសិត្ថិតាមផ្លូវច្បាប់ធើ្វការប្រាប់ ឬណែនាំ អី្វទៅលើអ្នកសង្កេតការអន្តរជាតិទេ ។អ្នកសង្កេតការអន្តរជាតិមានសិត្ថិពេញលេញ បរិបូរណ៍ ក្នុងការទៅសង្កេតការ នៅការិយាល័យណាក៏បាន ក្នុងចំនោះការិយាល័យបោះឆ្នោតជាង ២ម៉ឺន នៅ ២៥មណ្ឌល ទូរទាំងប្រទេស ដោយគ្រាន់តែពាក់ប័ណសំគាល់អ្នកអង្កេតការអន្តរជាតិ ដែឬ គ.ជ.ប ចេញអោយតែប៉ុណ្ណោះ។

មន្រី្តជាន់ខ្ពស់ គ.ជ.ប រូបនេះបានសង្កត់ធ្ងន់ថា ចំពោះការចេញសេចកី្តថ្លែងការ ឬធើ្វសន្និសិទ្ធ សារពត៌មាននៅក្នុងថ្ងៃបោះឆ្នោត នៅពេលរាប់សន្លឹកឆ្នោត ពេលប្រកាសលិទ្ធិ ផលបឋម ពួកគេអាចធើ្វបានដោយសេរី ដោយមិនត្រូវមានការជ្រៀតជ្រែងពីមជ្ឈដ្ឋានណាមួយនោះទេ ក្រៅពីនេះ ពួកគេ មានសិទ្ធអំណាច គ្រប់គ្រាន់ក្នុងការវាយតំលៃ ពីស្ថានការ បោះឆ្នោតនៅកម្ពុជា តាមអី្វដែលគែបានឃើញផ្ទាល់ ជាក់ស្តែងនឹងភ្នែក ក្នុងឱកាសដែលពួកគេបំពេញកិច្ចការសង្កេតការលើកបោះឆ្នោត នាពេលនេះ ។

ចំពោះស្ថានភាពទឹកជំនន់ ដែលបណ្តាលអោយ លិចលង់ការរិយាល័យបោះឆ្នោតនោះ មន្រ្តីជាន់ខ្ពស់គ.ជ.ប រូបនេះបានបញ្ជាក់ថា នៅថ្ងៃបោះឆ្នោតខាងមុខនេះ អាចនឹងមានការិយាល័យបោះឆ្នោតប្រមាណ ២០ ក្នុងចំនោមជាង ២ម៉ឺន នៅទូរទាំងប្រទេសដែលលអាចនឹងរងការលិចលង់ ប្រការនោះមិនបានជៈឥទិ្ធពលអី្វដល់ការបោះឆ្នោតទេ ដោយហេតុទី១ ពលរដ្ឋ ជាម្ចាស់ឆ្នោតដែលរងការលិចលង់នោះ ធ្លាប់មានបទពិសោធន៍ ក្នុងរឿងនេះ ហើយ ពួកគាត់ខ្លះទៅបោះឆ្នោតនៅការិយាល័យដទៃ ដែលគណៈកម្មាធិការខេត្តរៀបចំការបោះឆ្នោត ឬ គណៈកម្មាធិការឃុំសង្កាត់បោះឆ្នោតរៀបចំប្តូរការិយាល័យជូន ហើយខ្លះទៀត សមត្ថកិច្ចក្នុងកិច្ចការបោះឆ្នោតនេះ នឹងមានការប្រើប្រាស់មធ្យាបាយដឹកជញ្ជូនទៅកាន់ការិយាល័យបោះឆ្នោតបាន ហើយដែលច្បាប់បោះឆ្នោតជ្រើសតាងតំណាងរាស្រ្ត ធានាថា ការធើ្វនោះពិជាត្រឹមត្រូវ តាមច្បាប់ ដែលអនុញ្ញាតអោយធើ្វ ៕

អត្ថបទ ៖ ខៀវ កូឡា

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation